Benvidos e benvidas a unha nova cita en Radio Balea.
Neste Laboratorio de Son conversamos co grupo 10, quenes nos falan dos seus disfraces no entroido 2026.
Os protagonistas nesta ocasión son: Erika Ferreiro, Eda Garrido, Álvaro Cousillas, Antía Pardo, Eiden Rega, Zoe Calvete, Lucía García, Pablo Pose, Mauro Souto, Miguel Añón, Aldara Fernández, Leo Pampín e Eydan Rúa.
A continuación, compartimos o divertido podcast que elaboraron.
Este curso escolar, o alumnado que acude ao laboratorio de imaxe convértese en produtor, director e actor das súas propias producións audiovisuais. Relacionamos o laboratorio co noso PDI Marabillarte, encadrándoo no traballo e afondamento de dúas artes: a literatura e o cine.
Literatura porque creamos booktráilers basados en libros da biblioteca do centro, para fomentar a súa lectura entre toda a comunidade educativa. Cine porque as nosas producións finais son curtametraxes e producións audiovisuais nas que o alumnado é 100% protagonista do proceso e do resultado.
Nesta proposta didáctica, cada grupo elabora un booktráiler e, no caso de que sobre tempo, un StopMotion. Na primeira sesión, aprendemos que son os booktráilers a partires dunha presentación que podedes ver a continuación clicando aquí. Despois, dividimos ao alumnado do laboratorio en dous grupos, len o libro, elaboran un pequeno resumo del e comezan a elaborar o guion gráfico. Na segunda e terceira sesión, producen o seu booktráiler e StopMotion.
A continuación podedes ver as producións finais dos diferentes grupos dos laboratorios:
Clica nas imaxes para poder acceder aos vídeos!
Grupo 4 (setembro/outubro):
.jpg)
Este ano, co gallo do Samaín, e moi en relación co noso PDI "Marabillarte", cada aula decidiu crear unha cabaza creativa e colaborativa. Unha vez rematada, a baixaron á planta baixa para a súa exposición.
Este cole non deixa de MARABILLARNOS!
Algúns exemplos dos procesos e produtos finais os podedes observar no blogue dos Baleatos, con producións de 3º de primaria e 4º de primaria!
Podes acceder á proposta de cada aula clicando na imaxe da exposición.
Este curso escolar inauguramos unha nova actividade: o taller tecno-creativo. Os martes, no recreo e hora de ler, alumnado voluntario irá á aula-taller para recibir formación sobre diferentes recursos STEAM: impresión 3D, makey-makey, electricidade, robótica...
Anímaste?
Iniciamos os laboratorios de aprendizaxe do curso 2025-26.
O Laboratorio Documental para o alumnado de 3º a 6º de educación primaria atenderá á formación de usuarios/as, sendo competentes no uso da biblioteca e os seus recursos, e ao PDI que nos ocupa, Marabillarte.
A presentación guiará as sesións para completar o caderno-informe 1 e o caderno-informe 2. Cadernos cos que ir completando os cinco biblio-retos para acadar o premio final.
Os produtos finais en formato audiovisual gardan relación con dar vida aos libros mediante a aplicación Chatterpix Kids e que se aloxarán na galería de imaxes do centro.
Este curso Leo quere... RETARTE!
Este ano, decidimos enfocar o laboratorio de imaxe cara a aprendizaxe de recursos relacionados coa programación informática. Os materiais a empregar nas 3 sesións serían Scratch e Micro:Bit.
Cada alumno/a empregou o seu propio ordenador. O alumnado do 3º ciclo, ao pertencer ao programa Edix-gal, gardou as súas creacións no seu propio dispositivo. O alumnado do 2º ciclo pediu prestados ordenadores do armario de informática.
Nas dúas primeiras sesións, se lle ofreceu ao alumnado un achegamento á aplicación web Scratch, explicándolles aspectos básicos da plataforma e deixándoos que, autónomamente, foran probando, aprendendo e modificando aqueles erros que hai (descubrimos que, se non revisamos a cada pouco tempo, pode írsenos das mans...). Ao final de cada sesión, amosaron os produtos creados aos seus compañeiros/as.
Na terceira sesión se lles ofreceu un achegamento ao recurso Micro:bit. Se lles ofreceu unha presentación de diapositivas nas que aprenderon acerca do seu funcionamento e, logo, mediante a guía da mestra responsable, foron incorporando códigos para programar o seu dispositivo.
Algúns dos erros detectados é que os dispositivos dan moitísimos erros á hora de conectarse a ordenadores Linux, acabando coa paciencia de moitas/os.
.jpg)
O alumnado do grupo número 3 dos Laboratorios de Aprendizaxe gravou en Radio Balea o VI podcasts correspondente ao Laboratorio de Son.
O podcast correspóndese ao programa Millainforma e fai un resumo das principais iniciativas que se fixeron dende Radio Balea ao longo deste curso.
Algunhas das actividades máis destacadas foron a continuidade dos biblioaxudantes de 5º na Radio, o podcast conmemorativo polo Dia Mundial da Radio, o pequelaboratorio, o Laboratorio de Son de maiores, a participación no evento internacional polo 30ª aniversario de Ponte nas Ondas, a participación no VII concurso de podcasts Radio na biblio e no VII premio ¨O vello dos contos¨, as xornadas de entrevistas polo Día das Letras Galegas, a gravación de coplas, o obradoiro de Radio por Damián...
Compartimos o derradeiro podcasts deste curso tan emocionante e cheo de experiencias!!
O grupo número 5 dos laboratorios de aprendizaxe dos máis pequenos e pequenas do centro pasaron por Radio Balea a gravar o seu podcast conmemorativo co gallo do Día das Letras Galegas onde recitaron poesía de Rosalía de Castro, Castelao e ademáis pechan cunha cantiga.
Con este podcast remata o pequelaboratorio de Son neste curso 24-25, así que despedímonos ata o vindeiro curso!!!
Boa onda ouvintes!!
O alumnado de 1º, 2º e 3º de primaria, grazas ao orzamento do Programa Innova, coñeceu e experimentou con Photon Robot, un novo recurso da nosa biblio creativa.
Da man de Flor, de Maker Store by Allknow de Carballo, programaron a Photon Robot para chegar a diversas emocións que foron descubrindo mediante un relato contado.
Seguimos ampliando recursos e formación en programación e intelixencia artificial para mellorar o ser e o saber... facendo!
O alumnado do grupo número 4 dos laboratorios de aprendizaxe gravaron en Radio Balea un podcast sobre unha muller apoderada e exemplo de resistencia para todas e todos os galegos como é o caso de María Pita.
María Pita fixo fronte ao ataque pirata británico á cidade de A Coruña capitaneado polo pirata Francis Drake; erguéndose coma unha figura fundamental na defensa da cidade coruñesa e a posterior desmoralización e retirada dos asaltantes ingleses.
O podcast pretende conmemorar o Día das Letras Galegas cunha galega internacional coñecida por todo o mundo e contribuír así a darlle voz e a merecida importancia a tantas e tantas mulleres relevantes e importantes da historia galega e española.
O grupo número 5 dos laboratorio de aprendizaxe locutou no laboratorio de son o seu podcast en Radio Balea. O produto final trata sobre a importancia que ten a hixiene corporal (mans, corpo, pelo, pes, boca...) para ter unha boa saúde e evitar enfermidades e afeccións.
O podcast trata contidos directamente relacionados co PDI ¨Medicus curat natura sanat¨, no que se pretende que o alumando teña máis contacto coa natureza e os hábitos saudables que xunto aos avances médicos da ciencia repercuten de maneira directa e positiva sobre a saúde. Un destes hábitos refírese á hixiene corporal e o grupo número 5 dos laboratorios de aprendizaxe da unha pautas moi claras para concienciar sobre a súa importancia.
Escoitádeo con atención!!
Repetimos experiencias na aula multisensorial con recunchos de entroido: disfrazámonos, creamos, decoramos, construímos... experimentando cos cinco sentidos!
As aulas de 1º e 2ºA pasamos dúas xornadas do máis vivenciais e divertidas nun dos espazos creativos que conforman a nosa BE-LeoLab: espazos e recursos creativos ao servizo da comunidade e do currículo.
Premendo nos seguintes enlaces accederedes ao álbum de fotos de cada aula:
Seguro... repetiremos!
