O alumnado do 2º ciclo de primaria desfrutou, nos últimos martes, dunha aproximación á electricidade na aula taller. Alí, foron pasando por tres recursos distintos nos que debían construir, con diferentes materiais, circuitos eléctricos que funcionasen.
Clica na imaxe para acceder á galería
.jpg)
Este curso escolar, o alumnado que acude ao laboratorio de imaxe convértese en produtor, director e actor das súas propias producións audiovisuais. Relacionamos o laboratorio co noso PDI Marabillarte, encadrándoo no traballo e afondamento de dúas artes: a literatura e o cine.
Literatura porque creamos booktráilers basados en libros da biblioteca do centro, para fomentar a súa lectura entre toda a comunidade educativa. Cine porque as nosas producións finais son curtametraxes e producións audiovisuais nas que o alumnado é 100% protagonista do proceso e do resultado.
Nesta proposta didáctica, cada grupo elabora un booktráiler e, no caso de que sobre tempo, un StopMotion. Na primeira sesión, aprendemos que son os booktráilers a partires dunha presentación que podedes ver a continuación clicando aquí. Despois, dividimos ao alumnado do laboratorio en dous grupos, len o libro, elaboran un pequeno resumo del e comezan a elaborar o guion gráfico. Na segunda e terceira sesión, producen o seu booktráiler e StopMotion.
A continuación podedes ver as producións finais dos diferentes grupos dos laboratorios:
Clica nas imaxes para poder acceder aos vídeos!
Grupo 4 (setembro/outubro):
.jpg)
Para conmemorar a José Suárez polo Día das Artes Galegas 2026, o alumnado de 1º de educación primaria tiña que darlle cor a unha das imaxes do artista. Deste xeito, colleron diferentes filamentos, os lápices 3D e crearon esta marabilla! Clica nela para acceder á galería.
Alumnado de 4º, 5º e 6º de primaria acudiu voluntariamente ao taller este martes para recibir unha formación sobre o uso de lápices 3D. Este recurso foi dotado pola Consellería de Educación, dentro do programa Polos Creativos. Ademais, pedimos en préstamo ao Centro de Formación e Recursos da Coruña 4 lápices 3D máis, que nos permitiron que todo o alumnado que quixo puidese participar.
Clica na imaxe para acceder á galería!
Benvidos e benvidas a unha nova cita en Radio Balea.
Neste Laboratorio de Son conversamos co grupo 10, quenes nos falan dos seus disfraces no entroido 2026.
Os protagonistas nesta ocasión son: Erika Ferreiro, Eda Garrido, Álvaro Cousillas, Antía Pardo, Eiden Rega, Zoe Calvete, Lucía García, Pablo Pose, Mauro Souto, Miguel Añón, Aldara Fernández, Leo Pampín e Eydan Rúa.
A continuación, compartimos o divertido podcast que elaboraron.
Durante os últimos martes, o alumnado de 1º e 2º de primaria desfrutou, en quendas de 6 ou 7 nenas/os, dunha actividade na que tiñan que crear os seus propios circuítos eléctricos de cinta condutora. O material que utilizaron foi proporcionado pola Consellería de Educación, dentro do programa Polos Creativos.
Encantoulles esta aproximación á condutividade eléctrica! Colorearon o debuxo, cubriron as partes necesarias con cinta condutora e colocaron os leds no seu lugar. Logo, usamos cables cocodrilo conectados a unha batería para conectar os polos positivos cos positivos e os negativos cos negativos e... Fíxose a luz!!
Clica na imaxe para acceder á galería
.jpg)
As formacións da aula taller arrancaron este outubro cunha formación para os maiores para utilizar a impresora 3D.
Durante varios martes, o alumnado de 3º a 6º de primaria acudiu en quendas á aula taller, no recreo e hora de ler, para programar a impresora 3D dende cero. Tiveron que quitar o filamento xa colocado, poñer o novo e configurar a impresora para que o extrúa. Tamén elixiron que querían imprimir e configuraron a impresión na aplicación ColiDo do ordenador, seguindo as instrucións.
Pasárono xenial!
Clica na imaxe para acceder á galería
.jpg)
Este ano, co gallo do Samaín, e moi en relación co noso PDI "Marabillarte", cada aula decidiu crear unha cabaza creativa e colaborativa. Unha vez rematada, a baixaron á planta baixa para a súa exposición.
Este cole non deixa de MARABILLARNOS!
Algúns exemplos dos procesos e produtos finais os podedes observar no blogue dos Baleatos, con producións de 3º de primaria e 4º de primaria!
Podes acceder á proposta de cada aula clicando na imaxe da exposición.
Este curso escolar inauguramos unha nova actividade: o taller tecno-creativo. Os martes, no recreo e hora de ler, alumnado voluntario irá á aula-taller para recibir formación sobre diferentes recursos STEAM: impresión 3D, makey-makey, electricidade, robótica...
Anímaste?
Iniciamos os laboratorios de aprendizaxe do curso 2025-26.
O Laboratorio Documental para o alumnado de 3º a 6º de educación primaria atenderá á formación de usuarios/as, sendo competentes no uso da biblioteca e os seus recursos, e ao PDI que nos ocupa, Marabillarte.
A presentación guiará as sesións para completar o caderno-informe 1 e o caderno-informe 2. Cadernos cos que ir completando os cinco biblio-retos para acadar o premio final.
Os produtos finais en formato audiovisual gardan relación con dar vida aos libros mediante a aplicación Chatterpix Kids e que se aloxarán na galería de imaxes do centro.
Este curso Leo quere... RETARTE!
Este ano, decidimos enfocar o laboratorio de imaxe cara a aprendizaxe de recursos relacionados coa programación informática. Os materiais a empregar nas 3 sesións serían Scratch e Micro:Bit.
Cada alumno/a empregou o seu propio ordenador. O alumnado do 3º ciclo, ao pertencer ao programa Edix-gal, gardou as súas creacións no seu propio dispositivo. O alumnado do 2º ciclo pediu prestados ordenadores do armario de informática.
Nas dúas primeiras sesións, se lle ofreceu ao alumnado un achegamento á aplicación web Scratch, explicándolles aspectos básicos da plataforma e deixándoos que, autónomamente, foran probando, aprendendo e modificando aqueles erros que hai (descubrimos que, se non revisamos a cada pouco tempo, pode írsenos das mans...). Ao final de cada sesión, amosaron os produtos creados aos seus compañeiros/as.
Na terceira sesión se lles ofreceu un achegamento ao recurso Micro:bit. Se lles ofreceu unha presentación de diapositivas nas que aprenderon acerca do seu funcionamento e, logo, mediante a guía da mestra responsable, foron incorporando códigos para programar o seu dispositivo.
Algúns dos erros detectados é que os dispositivos dan moitísimos erros á hora de conectarse a ordenadores Linux, acabando coa paciencia de moitas/os.
.jpg)
O alumnado do grupo número 3 dos Laboratorios de Aprendizaxe gravou en Radio Balea o VI podcasts correspondente ao Laboratorio de Son.
O podcast correspóndese ao programa Millainforma e fai un resumo das principais iniciativas que se fixeron dende Radio Balea ao longo deste curso.
Algunhas das actividades máis destacadas foron a continuidade dos biblioaxudantes de 5º na Radio, o podcast conmemorativo polo Dia Mundial da Radio, o pequelaboratorio, o Laboratorio de Son de maiores, a participación no evento internacional polo 30ª aniversario de Ponte nas Ondas, a participación no VII concurso de podcasts Radio na biblio e no VII premio ¨O vello dos contos¨, as xornadas de entrevistas polo Día das Letras Galegas, a gravación de coplas, o obradoiro de Radio por Damián...
Compartimos o derradeiro podcasts deste curso tan emocionante e cheo de experiencias!!
