Benvidos e benvidas a unha nova cita en Radio Balea.
Neste Laboratorio de Son conversamos co grupo 10, quenes nos falan dos seus disfraces no entroido 2026.
Os protagonistas nesta ocasión son: Erika Ferreiro, Eda Garrido, Álvaro Cousillas, Antía Pardo, Eiden Rega, Zoe Calvete, Lucía García, Pablo Pose, Mauro Souto, Miguel Añón, Aldara Fernández, Leo Pampín e Eydan Rúa.
A continuación, compartimos o divertido podcast que elaboraron.
O grupo número 2 dos laboratorios de aprendizaxe visitou as instalacións de Radio Balea para gravar 3 podcasts:
O primeiro día coñecemos as particularidades da radio e fixeron as entrevistas no programa inicial ¨Coñecémonos¨, o segundo día fixeron dous grupos de 6 persoas cada un; un grupo fixo un podcast relacionado con actividades no medio natural e outro un pequeno relato teatral.
O terceiro día, o grupo xa completo gravou un podcast adicado á importancia dunha boa alimentación para ter saúde.
Compartimos os tres podcast e non podemos máis que darlle os parabéns polo bo traballo.
Seguide así rapazada!!
O grupo número 1 dos Laboratorios de Aprendizaxe pasou polo laboratorio de son para gravar un podcast que xirou en torno aos primeiros auxilios. Trataron a importancia de coñecer a secuencia PAS cando exista un accidente (Protexer, Avisar e Socorrer), así como o número de emerxencias (112).
Despois explicaron o procedemento a seguer en función do accidente (queimaduras, traumatismos ou feridas) que poden ocorrer no día a día do colexio.
Parabéns a Bruno, Carlos, Marco Ures, Martín Martelo, Alexia, Noa, Miia, Leo Cousillas e Adrián polo resultado!!!
Os integrantes do grupo número 6 dos laboratorios de aprendizaxe (Alba, Izan Sande de 3º de Educación Primaria; Anna, Breixo e Clara de 4º de Educación Primaria, Ainoa e Leo de 5º de Educación Primaria e Dani, Álex e Izan de 6º de Educación Primaria - estes tres últimos como técnicos de son- ) gravaron un interesante e pedagóxico programa sobre os Primeiros auxilios.
Trataron entro outros temas os seguintes:
- Método PAS
- Número de emerxencias
- Traumatismos
- Desmaios
- Atragantamentos
- Hemorraxias nasais
- Picadura de faneca brava
- Queimaduras
Non deixedes de escoitalo!!!! Gran traballo rapazada!!!
Acceso a galería de imaxes clicando na imaxe grupal:
O grupo número I dos laboratorios de aprendizaxe pasaron por Radio Balea e prepararon o primeiro programa dentro da sección CONCIÉNCIAte na que locutaron sobre a importancia do coidado do corpo e a hixiene corporal para manter unha boa saúde.
Entre outros temas, trataron a importancia da alimentación, a hidratación, a hixiene da pel, das máns e dos pes, así como o coidado da hixiene bucodental.
O resultado foi o seguinte podcast, que de seguro, axudaranos a concienciarnos da importancia de coidar o nosa hixiene para manter unha boa saúde.
Para acceder a galería de imaxes, clicar na primeira:
Desta vez, os máis pequenos e pequenas do centro gravaron no estudo de Radio Balea un programa ¨Festexamos¨ adicado ao Día Mundial da Infancia, a igualdade laboral entre homes e mulleres e tamén locutaron sobre o Nadal, onde demostraron as súas dotes de canto entoando varios villancicos. Con este último produto finalizamos a gravación en Radio Balea para este 2023 , aproveitamos para desexar BOAS FESTAS E FELIZ 2024 a todos e todas as ouvintes.
Vémonos e escoitámonos no 2024...
Dende a iniciativa biblioaxudantes de 5º na radio, Marco García, Celia e Carlos con Andrea coma técnica (5º E.P.) levaron a cabo unha entrevista a Lara e Mara Pérez - 6º E.P.- (convocadas pola selección galega de fútbol-sala) e a Noela - 5ºE.P.- (convocada pola selección feminina da Costa da Morte)
Os entrevistadores preguntaronlles sobre a súas impresións nesta experiencia, sobre o fútbol feminino, o triunfo da selección española no mundial...e moitas cousas máis!!
O resultado é unha interesante entrevista que nos permite coñecer un pouco máis destas tres cracks!! PARABENS CAMPIONAS!!
Os integrantes du grupo 2 dos laboratorios de aprendizaxe gravaron o segundo Millainforma adicado aos hábitos saudables.
Nesta ocasión, locutaron contidos relacionados ca actividade física, a importancia que lle da a OMS, proxectos levados a cabo polo Ministerio de saúde nesta temática e a nosa participación no proxecto PVDA (proxecto de vida deportiva e activa) así como a nosa primeira participación no programa XOGADE, fomentado pola Diputación e a Xunta de Galicia.
Tamén realizaron unha entrevista ao mestre de Educación Física pola relación entre esta área curricular e os hábitos de vida sá.
Rematan o podcast recordando algunhas frases e citas célebres relacionadas coaimportancia da saúde a a actividade física.
Esperamos que vos guste.
Podedes acceder a galería de imaxes clicando sobre a seguinte:
O grupo 3 do laboratorio de pequen@s (5º e 6º de Educación Infantil e 1º Ciclo de Educación Primaria) estreáronse no estudo de Radio Balea levando a cabo o primeiro programa ¨Festexamos¨ que xira arredor do medo, relacionándoo coa festividade do Samaín.
Falaron desta enigmática conmemoración, fixeron un concurso de sons relacionados co medo o cal foi o protagonista do conto que locutaron e remataron o programa facendo alusión ao Magosto, que o conmemoraremos o vindeiro 3 de novembro.
O producto final é un simpático e completo programa que esperamos que vos guste….
Comezamos a primeira emisión no estudo de Radio Balea co 1º Millainforma, dun total de 6 que faremos ao longo do Laboratorio de Son cos diferentes grupos durante este curso.
Desta vez trátase dun programa adicado aos hábitos saudables (a alimentación) polo cal pasaron unha serie de expertos dando pautas e recomendacións a ter en conta para coidar a nosa alimentación (os nutrintes, a pirámide alimentaria, a hidratación...)
non o perdades porque é superinteresante!!! Parabens rapazas e rapaces!!
A continuación se expoñen os podcasts realizados no laboratorio de Son no presente curso 2022-2023. En total foron 6 podcasts nos que a temática xirou arredor do PDI Nós Patrimonio in-material:
Os podcasts resultantes foron os seguintes:
Que me contas?_Pequena mitoloxía Galega : A partir do libro ¨Pequena mitoloxía de Galicia ¨Miranda, Reigosa, Cuba. Ed. Xerais, os nenos e nenas elaboraros un guión no que deron un repaso por todas esas criaturas e seres lendarios e mitolóxicos que habitan o noso país.
Festexamos_ O Samaín : Nesta ocasión, o alumnado elaborou unha recollida de información que logo convertiron en guión para expoñer a historia, as costumes e as curiosidades que encerra o Samaín.
Qué me contas?_Camiño dos Faros : Partindo do libro que temos na nosa biblioteca ¨Camiño dos Faros¨ Lendas da Costa da Morte, Rafael Lema Ed. EDITATUM os membros deste equipo locutaron as distintas etapas que conforman o Camiño dos Faros, relacionando cada etapa e cada lugar polo que pasa cas lendas e mitoloxía que albergan.
Festexamos_ Día de Rosalía : Polo día de Rosalía de Castro, levamos a cabo un repaso pola súa biografía a través dun concurso. Primeiro elaboramos as preguntas do cuncurso e posteriormente tratamos a súa biografía dando así resposta as cuestións prantexadas.
Millainforma_ Pecios e naufraxios :Como o PDI xira en torno ao patromonio, non podíamos deixar sen mencionar os pecios e naufraxios, auténtico patrominio material e inmaterial das nosas costas, cun alto valor histórico e cultural. Damos un repaso polos máis coñecidos.
Millainforma_ Resumo Nós Patromonio in-material : Por último, e para rematar este PDI iniciado o ano pasado, fixemos un repaso polas actividades e tarefas realizadas durante o presente curso. Unha maneira de reflexionar e recordar todo o traballo que levamos a cabo e que nos permitiu coñecer mellor a nosa terra, o noso país e as nosas ráices a través do noso patromonio in e material.
Este último Laboratorio de Son do presente curso e coincidindo co Mes das Letras no noso centro quixemos adicalo á poesía en lingua galega.
Escoitaredes recitar diversos audiopoemas na voz de: Kerman, Aldara, Mateo Ferreiro, Leo, Manuela, Rosalía, Borja, Antal, Gabriel, Martín Cousillas e Miia.
Os poemas foron extraídos destes poemarios: Coplas de Antonio García Teijeiro e Bechopoemas e outras bestas de Leire Bilbao.
VIVAN AS NOSAS LETRAS!
Último laboratorio de son deste segundo trimestre desenvolto en dúas sesións. Nunha primeira de achegamento á radio como medio de comunicación e toma de contacto coa nosa radio Balea e unha segunda sesión de gravación dun audioconto dentro do programa Que me contas?
Nesta ocasión, e co gallo do día Internacional da Muller
eleximos o conto titulado Artur e Clementina, de Adela Turin. un conto que nos ensina os valores de igualdade
e coeducación.
Neste podcast escoitaredes as voces de Yaiza Vecino, Mateo
Vila, Saúl Garrido, Olivia Castro, Selena Láuzara, Sara Cotelo, Lucas Pérez,
Alberto Verdes, Anxo Castro, Alba Ríos, Martín Veiga e Izan Sande.
Segundo grupo que pasa polo laboratorio de son. Desta vez o produto final é este audioconto que vos presentamos a continuación.
Como facía uns días viñamos de celebrar o 25N: Día Internacional pola eliminación da violencia de xénero, o conto escollido para gravar na nosa radio foi Vivan as uñas de cores, escrito por Alicia Acosta e Luis Amavisca. De Nubeocho Edicións.
Pareceunos moi acaído para esta ocasión porque conta a historia de Xan, que ao igual que Antal (neno que vedes na imaxe), lle encanta levar as uñas pintadas de cores diferentes. Píntanas porque lle gusta e lle apetece. Así de sinxelo. E os demais non podemos facer outra cousa máis que respectalo e aceptalo. Defendemos a igualdade de xéneros.
As voces que escoitaredes neste audioconto corresponden a Daniel Deus, Yago Villar, Uxía Amigo, Mateo Fernández, Daniela Pérez, Diego Recarey, Pedro Pose, Alexia Veres, Izan Cambón e Martin Chouciño.
Pica na imaxe do conto para acceder á galería de fotos.
Emocionadísimos/as de poder recuperar os laboratorios de aprendizaxe interciclos.
Nesta ocasión queremos amosarvos o produto final do primeiro laboratorio de son desenvolto en dúas sesións co grupo 3: un audioconto gravado no noso estudo de radio coincidindo coa festividade do Samaín. O conto elexido foi Os esqueletos divertidos, de Allan Ahlberg.
O grupo 3 estivo formado por: Diego, Hajnalka, Hugo, Ángel, Ainara, Mayra, Daniela, Leo, Andrea, Amanda, Martín M., Adrián.
Moitos parabéns a todos/as por facelo tan ben!
IV Concurso de Podcasts - Radio na Biblio
Un marabilloso produto final de produción propia, en formato regueifa, arredor da biografía de Florencio Delgado Gurriarán, autor homenaxeado polo Día das Letras Galegas 2022.
A nosa participación na modalidade II (alumnado de 3º a 6º de Primaria) obtén como premio unha asignación extraordinaria de 1.000 € destinada, tal e como recolle a convocatoria do concurso, a melloras ou actividades relacionadas co funcionamento do laboratorio de radio, sempre vinculado á biblioteca do centro.
Premendo na imaxe accederedes a memoria e escaleta remitida ao concurso e na cal se recollen @s participantes que deron vida e personalidade malpicá a produción escrita "Unha regueifa a Don Florencio", que foi posible grazas a implicación e colaboración de Charo (nai dun alumno do centro e membro da ANPA) e do profesorado do Equipo de Radio na Biblio.
Un premio ao traballo feito EN COMUNIDADE E CON IDENTIDADE!
A desfrutar do podcast premiado, xa publicado no portal da Radio Galega, e...
Presentamos os produtos finais do Laboratorio de Son implementado ao longo do mes de marzo en relación co Día da Muller 2022 e a proposta de actividades do noso PDI.
A proposta incluía dous produtos finais, entrevista escrita e podcast realizado en Radio Balea, valorando os oficios tradicionais desenvoltos por Mulleres da nosa contorna.
Premendo nos enlaces da seguinte listaxe accederedes aos produtos finais de cada aula:
Felicitar, unha vez máis, a alumnado e titores/as polo gran traballo desenvolto: investigando, coñecendo, valorando, comunicando; así coma ás protagonistas das diferentes entrevistas que, de maneira totalmente altruista, nos regalaron o seu tempo para compartir experiencias e valores de vida.
Seguimos educando en igualdade e valorando ÁS NOSAS MULLERES!
Todo proxecto comeza cunha pregunta inicial que é QUE SABEMOS?, así que para comezar o noso PDI, bianual, o alumnado de diferentes niveis implementou o Laboratorio de Son para recoller que sabemos da nosa vila.
De seguido podedes escoitar os diferentes podcasts que se realizaron na nosa Radio Balea, a radio nas ondas!
