Benvidos e benvidas a unha nova cita en Radio Balea.
Neste Laboratorio de Son conversamos co grupo 10, quenes nos falan dos seus disfraces no entroido 2026.
Os protagonistas nesta ocasión son: Erika Ferreiro, Eda Garrido, Álvaro Cousillas, Antía Pardo, Eiden Rega, Zoe Calvete, Lucía García, Pablo Pose, Mauro Souto, Miguel Añón, Aldara Fernández, Leo Pampín e Eydan Rúa.
A continuación, compartimos o divertido podcast que elaboraron.
Este ano, decidimos enfocar o laboratorio de imaxe cara a aprendizaxe de recursos relacionados coa programación informática. Os materiais a empregar nas 3 sesións serían Scratch e Micro:Bit.
Cada alumno/a empregou o seu propio ordenador. O alumnado do 3º ciclo, ao pertencer ao programa Edix-gal, gardou as súas creacións no seu propio dispositivo. O alumnado do 2º ciclo pediu prestados ordenadores do armario de informática.
Nas dúas primeiras sesións, se lle ofreceu ao alumnado un achegamento á aplicación web Scratch, explicándolles aspectos básicos da plataforma e deixándoos que, autónomamente, foran probando, aprendendo e modificando aqueles erros que hai (descubrimos que, se non revisamos a cada pouco tempo, pode írsenos das mans...). Ao final de cada sesión, amosaron os produtos creados aos seus compañeiros/as.
Na terceira sesión se lles ofreceu un achegamento ao recurso Micro:bit. Se lles ofreceu unha presentación de diapositivas nas que aprenderon acerca do seu funcionamento e, logo, mediante a guía da mestra responsable, foron incorporando códigos para programar o seu dispositivo.
Algúns dos erros detectados é que os dispositivos dan moitísimos erros á hora de conectarse a ordenadores Linux, acabando coa paciencia de moitas/os.
.jpg)
O alumnado do grupo número 3 dos Laboratorios de Aprendizaxe gravou en Radio Balea o VI podcasts correspondente ao Laboratorio de Son.
O podcast correspóndese ao programa Millainforma e fai un resumo das principais iniciativas que se fixeron dende Radio Balea ao longo deste curso.
Algunhas das actividades máis destacadas foron a continuidade dos biblioaxudantes de 5º na Radio, o podcast conmemorativo polo Dia Mundial da Radio, o pequelaboratorio, o Laboratorio de Son de maiores, a participación no evento internacional polo 30ª aniversario de Ponte nas Ondas, a participación no VII concurso de podcasts Radio na biblio e no VII premio ¨O vello dos contos¨, as xornadas de entrevistas polo Día das Letras Galegas, a gravación de coplas, o obradoiro de Radio por Damián...
Compartimos o derradeiro podcasts deste curso tan emocionante e cheo de experiencias!!
O grupo número 5 dos laboratorios de aprendizaxe dos máis pequenos e pequenas do centro pasaron por Radio Balea a gravar o seu podcast conmemorativo co gallo do Día das Letras Galegas onde recitaron poesía de Rosalía de Castro, Castelao e ademáis pechan cunha cantiga.
Con este podcast remata o pequelaboratorio de Son neste curso 24-25, así que despedímonos ata o vindeiro curso!!!
Boa onda ouvintes!!
O alumnado do grupo número 4 dos laboratorios de aprendizaxe gravaron en Radio Balea un podcast sobre unha muller apoderada e exemplo de resistencia para todas e todos os galegos como é o caso de María Pita.
María Pita fixo fronte ao ataque pirata británico á cidade de A Coruña capitaneado polo pirata Francis Drake; erguéndose coma unha figura fundamental na defensa da cidade coruñesa e a posterior desmoralización e retirada dos asaltantes ingleses.
O podcast pretende conmemorar o Día das Letras Galegas cunha galega internacional coñecida por todo o mundo e contribuír así a darlle voz e a merecida importancia a tantas e tantas mulleres relevantes e importantes da historia galega e española.
O grupo número 5 dos laboratorio de aprendizaxe locutou no laboratorio de son o seu podcast en Radio Balea. O produto final trata sobre a importancia que ten a hixiene corporal (mans, corpo, pelo, pes, boca...) para ter unha boa saúde e evitar enfermidades e afeccións.
O podcast trata contidos directamente relacionados co PDI ¨Medicus curat natura sanat¨, no que se pretende que o alumando teña máis contacto coa natureza e os hábitos saudables que xunto aos avances médicos da ciencia repercuten de maneira directa e positiva sobre a saúde. Un destes hábitos refírese á hixiene corporal e o grupo número 5 dos laboratorios de aprendizaxe da unha pautas moi claras para concienciar sobre a súa importancia.
Escoitádeo con atención!!
O grupo número 1 dos Laboratorios de Aprendizaxe pasou polo laboratorio de son para gravar un podcast que xirou en torno aos primeiros auxilios. Trataron a importancia de coñecer a secuencia PAS cando exista un accidente (Protexer, Avisar e Socorrer), así como o número de emerxencias (112).
Despois explicaron o procedemento a seguer en función do accidente (queimaduras, traumatismos ou feridas) que poden ocorrer no día a día do colexio.
Parabéns a Bruno, Carlos, Marco Ures, Martín Martelo, Alexia, Noa, Miia, Leo Cousillas e Adrián polo resultado!!!
Hoxe inauguráronse, un curso escolar máis, os laboratorios de aprendizaxe.
Os nosos laboratorios de aprendizaxe facilitan e favorecen que o alumnado sexa protagonista das súas aprendizaxes e o profesorado oriente e guíe todo o proceso.
O profesorado propón a creación de espazos e recursos creativos que requiren da renovación de prácticas educativas e dunha nova organización de persoal, tempos..., que nos permita seguir transitando o camiño cara unha educación, pública e no rural, inclusiva, equitativa e de calidade (ODS 4 da Axenda 2030).
Os laboratorios divídense en dous grandes grupos: os pequelaboratorios e os laboratorios dos maiores.
Así, no primeiro grupo participa alumnado de 5º e 6º EI e 1º e 2º EP. Mentres tanto, nos laboratorios dos maiores, participa todo o alumnado de 3º a 6º EP.
PEQUELABORATORIOS:
1. Laboratorio documental: o alumnado aprende a crear historias a partir de preguntas, mediante o uso da máquina de escribir do centro.
2. Laboratorio de radio: o alumnado crea pequenas producións radiofónicas coa axuda dos mestres/as encargados.
3. Laboratorio de imaxe: o alumnado elabora un bingo sobre diferentes temáticas e xoga cos robots educativos do centro.
4. Laboratorio creativo: o alumnado elabora cadros da árbore da vida con pintura de dedos.
5. Laboratorio experimental: o alumnado investigou sobre as plantas, sementes e material necesario para coidar da nosa horta escolar.
LABORATORIOS DE MAIORES:
1. Laboratorio documental: o alumnado leva a cabo mini-retos relacionados co kamishibai, para logo crear unha historia como produto final.
2. Laboratorio experimental: o alumnado elabora perfumes a partir de diferentes plantas.
3. Laboratorio de radio: o alumnado elabora pequenas producións finais radiofónicas guiadas polos mestres/as encargados.
4. Laboratorio de imaxe: o alumnado fai unha introdución ao funcionamento de Scratch e Micro:Bit.
5. Laboratorio creativo: o alumnado elabora bolsas de tea cos seus propios deseños.
6. Cooklab: o alumnado elabora diferentes receitas, practicando o vocabulario en inglés.
Ao longo de todo o ano, diversos grupos pasaron polo laboratorio experimental, onde aprenderon a coidar o medio que nos rodea, a respectar o noso entorno e a que con pequenas iniciativas tamén podemos axudar a mellorar a nosa contorna.
Neste laboratorio, investigamos, creamos, experimentamos e plantamos. Todo isto sempre dende unha perspectiva dinámica na que o alumnado estaba sendo partícipe do que ía aprendendo.
A través das diferentes actividades o alumnado foise concienciando e aprendendo para así acadar o seu produto final, unha planta que deberían coidar todos os días para que non morrera. Tarefa que realizaron moi ben!
A secuencia de actividades foi a seguinte:
Na primeira sesión divídese ao alumnado en equipos e pídeselle que inventen un nome para o seu grupo. Unha vez feito isto, repárteselle unha folla na que se recolle toda a información que deben buscar sobre a temática tratada. Xa para rematar buscarán en Pixabay imaxes sobre a deforestación para engadirlle ao Lapbook que crearán na seguinte sesión.
Na segunda sesión levan a cabo a creación do lapbook con toda a información recollida na clase anterior. Para facelo, empregan cartolinas, rotuladores e diversos materiais funxibles.
Xa na derradeira sesión facemos un experimento que lles permita ver a importancia da vexetación no chan e baixaremos ao patio plantar diferentes tipos de vexetais como leitugas, tomates, perexil…
A continuación deixamos algunhas imaxes do noso traballo. Clica para acceder!
Esperamos que vos guste!
FACEMOS UN AULA DE ARTE!
Invitámosvos a descubrir no seguinte enlace a creación da nosa nova aula de arte, realizada ao longo de curso polo laboratorio creativo de primaria. Disfrutádea!!
Podes acceder á galería de imaxes clicando aquí
O grupo número 5 dos Laboratorios de aprendizaxe visitou Radio Balea para crear un programa moi didáctico e pedagóxico sobre os hábitos tóxicos para a saúde.
O alumnado de 6º de Educación Primaria actuou como técnico de son (África, Mónica e Martín) e o resto dos membros de grupo actuaron como locutores (Nico, Janis e Martín Martelo de 3º de Educación Primaria, Candela e Santi de 4º de Educación Primaria e Marco Ures, Damián e Uxía Martínez de 5º de Educación Primaria).
Entre outros temas de interese trataron a importancia da actividade física para combatir o sendentarismo e a obesidade, o azucre, a educación dixital (pautas para utilizar as novas tecnoloxías) e finalmente as comidas ultraprocesadas.
Esperamos que o disfrutes e que sirva para coñecer un pouquiño mellor cales son aqueles hábitos que poden perxudicar a nosa saúde.
<acceso á galería de imaxes clicando na seguinte>
Os integrantes do grupo número 6 dos laboratorios de aprendizaxe (Alba, Izan Sande de 3º de Educación Primaria; Anna, Breixo e Clara de 4º de Educación Primaria, Ainoa e Leo de 5º de Educación Primaria e Dani, Álex e Izan de 6º de Educación Primaria - estes tres últimos como técnicos de son- ) gravaron un interesante e pedagóxico programa sobre os Primeiros auxilios.
Trataron entro outros temas os seguintes:
- Método PAS
- Número de emerxencias
- Traumatismos
- Desmaios
- Atragantamentos
- Hemorraxias nasais
- Picadura de faneca brava
- Queimaduras
Non deixedes de escoitalo!!!! Gran traballo rapazada!!!
Acceso a galería de imaxes clicando na imaxe grupal:
O grupo número I dos laboratorios de aprendizaxe pasaron por Radio Balea e prepararon o primeiro programa dentro da sección CONCIÉNCIAte na que locutaron sobre a importancia do coidado do corpo e a hixiene corporal para manter unha boa saúde.
Entre outros temas, trataron a importancia da alimentación, a hidratación, a hixiene da pel, das máns e dos pes, así como o coidado da hixiene bucodental.
O resultado foi o seguinte podcast, que de seguro, axudaranos a concienciarnos da importancia de coidar o nosa hixiene para manter unha boa saúde.
Para acceder a galería de imaxes, clicar na primeira:
Os integrantes du grupo 2 dos laboratorios de aprendizaxe gravaron o segundo Millainforma adicado aos hábitos saudables.
Nesta ocasión, locutaron contidos relacionados ca actividade física, a importancia que lle da a OMS, proxectos levados a cabo polo Ministerio de saúde nesta temática e a nosa participación no proxecto PVDA (proxecto de vida deportiva e activa) así como a nosa primeira participación no programa XOGADE, fomentado pola Diputación e a Xunta de Galicia.
Tamén realizaron unha entrevista ao mestre de Educación Física pola relación entre esta área curricular e os hábitos de vida sá.
Rematan o podcast recordando algunhas frases e citas célebres relacionadas coaimportancia da saúde a a actividade física.
Esperamos que vos guste.
Podedes acceder a galería de imaxes clicando sobre a seguinte:
Presentamos o resumo audiovisual dun curso no que os laboratorios de aprendizaxe retomaron a súa esencia: grupos interniveis desenvolvendo aprendizaxes... para a vida!
Continuará...
A continuación se expoñen os podcasts realizados no laboratorio de Son no presente curso 2022-2023. En total foron 6 podcasts nos que a temática xirou arredor do PDI Nós Patrimonio in-material:
Os podcasts resultantes foron os seguintes:
Que me contas?_Pequena mitoloxía Galega : A partir do libro ¨Pequena mitoloxía de Galicia ¨Miranda, Reigosa, Cuba. Ed. Xerais, os nenos e nenas elaboraros un guión no que deron un repaso por todas esas criaturas e seres lendarios e mitolóxicos que habitan o noso país.
Festexamos_ O Samaín : Nesta ocasión, o alumnado elaborou unha recollida de información que logo convertiron en guión para expoñer a historia, as costumes e as curiosidades que encerra o Samaín.
Qué me contas?_Camiño dos Faros : Partindo do libro que temos na nosa biblioteca ¨Camiño dos Faros¨ Lendas da Costa da Morte, Rafael Lema Ed. EDITATUM os membros deste equipo locutaron as distintas etapas que conforman o Camiño dos Faros, relacionando cada etapa e cada lugar polo que pasa cas lendas e mitoloxía que albergan.
Festexamos_ Día de Rosalía : Polo día de Rosalía de Castro, levamos a cabo un repaso pola súa biografía a través dun concurso. Primeiro elaboramos as preguntas do cuncurso e posteriormente tratamos a súa biografía dando así resposta as cuestións prantexadas.
Millainforma_ Pecios e naufraxios :Como o PDI xira en torno ao patromonio, non podíamos deixar sen mencionar os pecios e naufraxios, auténtico patrominio material e inmaterial das nosas costas, cun alto valor histórico e cultural. Damos un repaso polos máis coñecidos.
Millainforma_ Resumo Nós Patromonio in-material : Por último, e para rematar este PDI iniciado o ano pasado, fixemos un repaso polas actividades e tarefas realizadas durante o presente curso. Unha maneira de reflexionar e recordar todo o traballo que levamos a cabo e que nos permitiu coñecer mellor a nosa terra, o noso país e as nosas ráices a través do noso patromonio in e material.
Neste laboratorio acercámonos ao mundo oleiro mediante o deseño, creación e decorado de pezas de arxela por parte do alumnado.
Na primeira sesión investigamos sobre o traballo dos/as oleiros/as, en que consiste, onde se desenvolve ou as técnicas de modelado de arxela manuais máis habituais. Ademais, debuxamos o deseño do que serán as nosas pezas.
Na segunda xornada manchamos as mans para que, cadaquén, modele as súas pezas de arxela, mentres que na terceira pintamos con témpera as nosas obras.
Unha vez rematamos o traballo, as obras son expostas no corredor do 2º andar do centro.
Preme na imaxe para acceder ás imaxes!
Neste laboratorio experimental para 3º, 4º, 5º e 6º de Educación Primaria estamos a comprobar os fenómenos da combustión e da oxidación a través da práctica experimental.
.jpeg)
.jpeg)
.jpeg)
.jpeg)
.jpeg)
.jpeg)
