Presentamos o produto final do Laboratorio de Ideas, proposta do equipo creativo, para celebrar un...
Agradecer a colaboración das familias na creación dos mesmos: creatividade natural, reutilizando.
Felices Festas a tod@s, coidándose!
Rematamos o 1º trimestre traballando a alfabetización informática a través da programación!
Nos últimos días todo o alumnado, grazas á formación impartida pola mestra Marta (coordinadora do equipo tecnolóxico), achegouse a un novo material xa dispoñible no noso Leolab: a placa Micro:bit.
Durante estas sesións formativas, e en función das idades e capacidades do alumnado, coñecemos a linguaxe de programación a través da plataforma Makecode (moi parecida a Scracht), e configuramos cada placa con luces leds: mensaxes e música navideña para adornar as árbores de Nadal de cada aula.
O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo, creando; pois saímos encantados da sesión.
Nos seguintes enlaces accederedes á galería de fotos das diferentes sesións:
Durante esta semana o alumnado de 4º e 5º de Educación Infantil disfrutou dunha feria de Nadal organizada no pequeciencias.
- Lectura de contos con lanternas.
- Xogo numérico de Nadal co robot DOT
- Piano para tocar cos pés, coa partitura por cores da panxoliña de Navidad
- Xogo de trazos tirando un dado.
- A busca de elementos de Nadal na mesa sensorial utilizando a ruleta.
- Xogos na mesa de luz.
- Realidade aumentada con plastilina
- Vídeos navideños coas gafas de realidade virtual
Trala realización do vídeo titorial sobre realidade aumentada con plastilina, presentamos o noso robot pintor.
Para a súa realización todos aprendemos dos erros, cambiamos o tipo de motor, decidimos se portapilas con interruptor ou batería soa, cambiamos de vaso por un máis grande... ó final conseguimos que funcionara e que alegría máis grande levamos!!!!!!
O colexio tranformase nun gran laboratorio: exposicións da Biblioteca e das aulas para experimentar, para divertirse aprendendo, para ilusionarse coa ciencia na nosa lingua.
Premendo nos seguintes enlaces, que se irán activando segundo as aulas vaian publicando nos blogs de ciclo, accederedes ás fantásticas exposicións experimentais para tod@s:
Presentamos en formato audiovisual o desenvolvemento do Laboratorio Experimental, o cal comezamos no mes de outubro co lapbook de Ciencias da Natureza, Transformando... con enerxía!
Ao longo do mes de novembro, conmemorando o mes da Ciencia en Galego nas Bibliotecas, rematamos o lapbook e creamos, experimentamos por equipos: cores, luz, auga (ilusións ou xogos ópticos) e máquinas.
Un Laboratorio Experimental no que ademais de crear máquinas e xogos ópticos, puxemos en práctica o ilusionismo.
Exposición lista para que tod@s poidamos experimentar, ilusionarnos coa ciencia!
Presentamos o mural Visión 3D: Diálogo + Dereitos + Dignidade que a BE-LeoLab Milladoiro expón no corredor do 1º andar, o 25N en relación co Laboratorio Experimental que se está a implementar nas aulas este mes de novembro.
Ao longo da vindeira semana, tod@s experimentaremos a visión 3D coas imaxes estereoscópicas de diferentes títulos que dan tratamento á igualdade de xénero e pecharemos a experiencia elexindo unha lectura de vida para compartir nas aulas, así como deixando a nosa pegada polo 25N.
Premendo na imaxe accederedes ao álbum de fotos do mural.
Porque xunt@s podemos ser, atrevéndonos a ser nós: dialogando, respectándonos, con dignidade.
Elas, as protagonistas de cada exemplar, cambiaron o conto e nós
seguimos querendo... cambiar o conto!
Durante varios martes, o alumnado de 6º de Educación infantil aprendeu a utilizar a app de Play -Doh Touch para dar vida as diferentes figuras creadas en plastilina.
Cada vez estructuran mellor o seu discurso e disposición nas gravacións!!!!!!!
NORABOA CHIC@S!!!
O alumnado de 4º e 5º de Educación Infantil visitou as instalacións do Leolab para realizar diferentes xogos, entre eles un novo que nos gustou moito que son as carreiras de coches cos dados. Podedes ver todas as fotos da xornada premendo no seguinte enlace: Leolab.
Iniciamos os Laboratorios de Aprendizaxe, desenvolvendo a formación do Laboratorio Documental: Formación de Usuari@s e Alfabetización en Información.
Esta formación é a base para a implementación dos restantes laboratorios ao longo do curso, sendo usuari@s competentes da BE-LeoLab Milladoiro, aprendendo a investigar, a documentarse.
Hoxe foi a formación de 4º e 5º de Educación Infantil da man da profe Belén, que non ensinou as normas da biblioteca, explicounos a súa organización e dinamizou unha búsqueda do tesouro adaptada a cada unha das clases, para coñecer os distintos espazos. Rematamos a sesión coa lectura dun conto que nos deixou a Serea Leo!
Premendo na imaxe tedes acceso ó álbum de fotos!!
No laboratorio de cociña con diferentes materiais: cartolinas negras, siluetas dos seres mitolóxicos e azucre glass... creamos por equipos as nosas lendas para contar ao resto de compañeiros/as, sen borrador previo, sen correccións, tomando a palabra en directo.
No vídeo tedes un exemplo do creado e premendo no seguinte enlace accederedes ao álbum de fotos da sesión.
Presentamos os produtos finais do Laboratorio Documental, que implementamos ao longo deste mes de outubro, arredor das nosas tradicións orais: cantigas, refráns, lendas... e recollido na proposta de actividades do 1º trimestre.
Este curso, ao igual que o pasado, non temos a posibilidade de celebrar a Semana de Lecturas Terroríficas na nosa Biblioteca; mais non perde a súa esencia e seguimos a conmemorar un Samaín lector en diferentes formatos e soportes.
Premendo nos seguintes enlaces podedes desfrutar das producións de cada nivel:
Parabéns a todas e todos polos fantásticos produtos finais!
Celebramos un Samaín... lendario!
Iniciamos os Laboratorios de Aprendizaxe, co alumnado de 2º e 3º ciclo de E. Primaria, desenvolvendo a formación do Laboratorio Documental: Formación de Usuari@s e Alfabetización en Información.
Premendo na primeira imaxe accederedes ao álbum de fotos das sesións.
Esta formación é a base para a implementación dos restantes laboratorios ao longo do curso, sendo usuari@s competentes da BE-LeoLab Milladoiro, aprendendo a investigar, a documentarse.
A pasada semana foi a quenda do alumnado de 2º de Primaria, que xunto co alumnado de 1º de Primaria e de E. Infantil, irán tratando a Formación de Usuari@s para os primeiros niveis: normas da Biblioteca, historia da serea Leo, espazos...
Deseguro os produtos finais de todos e todas serán... lendarios!
Co gallo da conmemoración do Día das Escritoras (18 de outubro) e o tan próximo Día das Bibliotecas (24 de outubro) unimos ámbalas dúas celebracións a través da Tarefa Integrada a desenvolver no Laboratorio Documental, o cal estamos a implementar este mes de outubro.
Baixo o título "Pondo cara a...18 Escritoras Galegas" o alumnado porá en práctica a Formación de Usuari@s da nosa Biblioteca e a Alfabetización en Información para asociar cada título, cada nome e apelidos á imaxe da escritora correspondente.
Premendo na primeira imaxe accederedes ao álbum de fotos que as aulas irán subindo segundo vaian realizando a tarefa ao longo da semana.
A seguinte imaxe forma parte da proposta que se entrega ás aulas, premendo na mesma accederedes á información.
Todo proxecto comeza cunha pregunta inicial que é QUE SABEMOS?, así que para comezar o noso PDI, bianual, o alumnado de diferentes niveis implementou o Laboratorio de Son para recoller que sabemos da nosa vila.
De seguido podedes escoitar os diferentes podcasts que se realizaron na nosa Radio Balea, a radio nas ondas!
Nas últimas sesións continuamos traballando cos escornabots, xogando con eles e analizando que cousas importantes temos que ensinarlles a toda a Comunidade Educativa.
Tras moito practicar, xa temos creado o noso vídeo sobre escornabots.
Unha vez que teñamos varios vídeos feitos, aprenderemos a crear códigos QR para elaborar o mural de titoriais no Leolab.
Durante este curso, o alumnado de 6º EI realizará a actividade os martes robóticos, nos que coñeceremos os distintos recursos da nosa Biblioteca Creativa, sobretodo do Leolab, e gravaremos vídeos-titorais para elaborar un panel con códigos Qr, de forma que toda a Comunidade Educativa teña acceso á información necesaria para utilizar calquera recurso do que dispoñemos no centro.
Están moi ilusionados/as, pois din que serán Youtubers!!!
Para poder realizar o vídeo precisamos primeiro xogar e coñecer moi ben o recurso, así que man á obra:
Este martes comezamos as nosas sesións coñecendo o ESCORNABOT: as súas partes, plantillas e desprazamentos.
Cando estabamos xogando co escorna na plantilla démonos conta de que non coincidía o movemento coas cuadrículas da mesma. Así que pensamos... Porque?
O escornabot anda menos que o que mide cada cuadrícula da plantilla, así que medimos as cuadrículas e o desprazamento do escorna utilizando unha regra: A plantilla que utilizamos era de cuadrículas de 15 cm e o escorna anda 10 cm.
Así pois, para xogar con este escorna precisamos unha plantilla con cuadrículas de 10cm. Pensamos...Onde pode haber plantillas? NO LEOLAB!!!!
O próximo martes xogaremos e comezaremos a preparar todo para poder gravar o vídeo-titorial!!
Este curso de pandemia a implementación dos laboratorios de aprendizaxe sufriu reorganizacións e readaptacións; mais o novo concepto BE-LeoLab non se estancou, se non que demos continuidade ao uso dos seus recursos e espazos creativos.
Para pechar este singular curso acordamos substituir a nosa Feira de Ciencia e Tecnoloxía por unha Feira LeoLab na que durante tres días todo o alumnado participou nos laboratorios desenvoltos nos diferentes espazos.
Dende o mércores 16 ata o venres 18 de xuño, todas as aulas de Primaria, agás 5º EP que xa ten desdobre, dividíronse en subgrupos e organizamos os recursos materiais, espaciais e persoais para que cada grupo pasara polos diferentes laboratorios, e se achegaran á diversidade de recursos documentais, audiovisuais e tecnolóxicos dos que dispoñemos na nosa BE-LeoLab.
Premendo nos seguintes enlaces poderedes visualizar o álbum de imaxes de cada laboratorio:
En E. Infantil, tamén realizamos desdobres e desfrutaron de 4 laboratorios:
Os produtos do laboratorio, Axenda 2030 e Medio Ambiente, conforman a exposición final; unha exposición coa que tamén conmemoramos o Día do Medio Ambiente a través de maquetas/construcións ecolóxicas, creativas e únicas que reflicten o mundo de aprendizaxes desenvoltas ao longo do curso, aprendizaxes de vida.
Parabéns, unha vez máis, a tod@s pola vosa creatividade, pola vosa sensibilidade coa diversidade de mundos, persoais e sociais, cos que coexistimos.
Premendo na imaxe accederedes ao álbum de fotos da exposición.
O vindeiro curso navegaremos nun novo mar de aprendizaxes compartidas, sempre coa visión nítida de tod@s de que a construción dun mundo mellor é posible se cada un/unha de nós aporta o seu gran de area na singradura da vida.
Presentamos o vídeo-resumo do Laboratorio de Ideas que complementa o Laboratorio de Son: o mundo escríbese...con X!
Atendendo ao noso PDI Visión 3C en relación coa Axenda 2030 e o Día do Medio Ambiente, que se celebra no día de hoxe, construímos por equipos 4 maquetas/construcións ecolóxicas e creativas.
Pechamos un curso de experiencias compartidas arredor, entre outros, dos laboratorios de aprendizaxe.
O vindeiro curso seguiremos divertíndonos aprendendo!
Pechamos o curso 2020/21, adaptando o lema proposto dende a Asesoría de BE ao noso proxecto de colexio, coa inauguración do mural...
Xeografía lectocreativa Milladoiro: Leohle
que recolle os espazos e recursos que usamos ao longo do curso e que nos acompañará, ano tras ano, para seguir consolidando o concepto BE-LeoLab: a Biblioteca entendida como centro de recursos e espazos creativos ao servizo da aprendizaxe e para tod@s.
Reflectimos a xeografía da nosa BE-LeoLab a través dunha árbore pola súa representación do natural, polo seu significado ancestral en diversas culturas: árbore do coñecemento, árbore da sabiduría, árbore da familia, árbore da vida, árbore de creación e protección...e porque todas as pólas medran en diferentes direccións, mais todas se alimentan e medran grazas á mesma raíz: a Biblioteca Escolar.
Para elaborar o tronco e as follas de cada copa reutilizamos os libros expurgados, as imaxes de cada espazo creativo son as que compoñen a nosa Formación de Usuari@s en liña e coa colaboración da comunidade: forrando a parede, picando as follas, conformando a pila de libros-tronco, rotulando os carteis ou realizando a montaxe da árbore; obtemos o fantástico resultado que podedes ver na imaxe.
Picando na imaxe accederedes ao álbum de fotos do mural.
Un ilustrativo e creativo mural construído por e para tod@s!
Presentamos en formato audiovisual os produtos finais do Laboratorio de Son adicado a Xela Arias en relación cos ODS da Axenda 2030: o mundo escríbese...con X!
Ante a imposibilidade de poder celebrar na nosa Biblioteca, coma cada curso escolar, o Festival das Letras este vídeo fainos sentir xunt@s reflectindo as experiencias poéticas e constructivas que se fraguan en cada grupo-clase na procura dun mundo mellor e se crearon implementando o penúltimo laboratorio de aprendizaxe do curso.
Non puidemos ter mellor mentora, no noso Mes das Letras, que Xela Arias: aquela nena de Sarria, aquela muller libre, inconformista, comprometida, rebelde vital e literaria.
Parabéns a tod@s, un laboratorio emocionante, creativo e moi, moi constructivo!
Seguimos...co último laboratorio do curso, o Laboratorio de Ideas: construíndo un mundo mellor!
Presentamos o vídeo-resumo do proceso de desenvolvemento do Laboratorio de Son no que conmemoramos as Letras Galegas 2021 adicadas a Xela Arias en relación cos ODS da Axenda 2030.
Un laboratorio emocionante e moi productivo grazas ao traballo en gran grupo, por equipos no que integramos, ao longo do noso Mes das Letras, os ámbitos lingüístico e científico a través de diversas tarefas, así:
Presentamos o vídeo-resumo do Laboratorio de Imaxe que desenvolvemos ao longo do mes de abril para celebrar o Día do Libro 2021.
Despois de repasar a Guía de Usuari@s da nosa Biblioteca para realizar os empréstitos á aula e á domicilio preparamos e gravamos os booktubers que publicamos no blog Leohle.
O traballo por equipos permitiunos elaborar catro carteis que se corresponden con catro títulos diferentes e reflicten a imaxe da creación realizada no LeoLab e a edición do código QR que enlaza ao booktuber do libro.
No día de hoxe, venres 23 de abril, fomentamos lectura por Malpica coa pegada dun cartel, elexido por maioría, e os demais carteis creados forman xa parte da nosa exposición de aula.
Un laboratorio lector e creativo co que desfrutamos construíndo experiencias, fomentando lectura na nosa comunidade!
