Retos no leolab!

Este curso escolar, por segundo ano consecutivo, os nenos e nenas que acuden ao Leolab poden solicitar facer un reto con diferentes recursos, para conseguir premios feitos pola impresora 3D do cole.      

Cada alumna/o ten o seu propio pasaporte, onde imos anotando os retos que conseguiron e o recurso empregado. Se consiguen superar 3 retos, reciben un agasallo.

Clica aquí para acceder á galería!

Laboratorio documental (5º E.I. - 2º E.P.)

Rematamos os laboratorios de aprendizaxe con gran éxito e este é o resumo do laboratorio documental dos máis pequenos (5º E.I. - 2º E.P.). Xirou  sobre a creación dunha historia partindo dunha máquina de historias (máquina de escribir). A primeira pregunta que nos plantexamos foi “que precisamos para crear unha historia?”, despois realizamos diferentes xogos e pescudas pola biblioteca para decidir onde vai ocorrer a nosa historia, cales son as personaxes, en que tempo e que lles pasa. Con todo elo cubriron cada alumno/a un caderno-informe e crearon as súas propias historias por equipos. Finalmente, empregamos unha aplicación de intelixencia artificial para crear outro conto e así poder apreciar as diferencias. Podedes ver as fotos de todos os grupos premendo no seguinte enlace: laboratorio documental.

Laboratorio Documental de bibliotecamilladoiro

Coñecendo a... Photon Robot!

O alumnado de 1º, 2º e 3º de primaria, grazas ao orzamento do Programa Innova, coñeceu e experimentou con Photon Robot, un novo recurso da nosa biblio creativa.

Da man de Flor, de Maker Store by Allknow de Carballo, programaron a Photon Robot para chegar a diversas emocións que foron descubrindo mediante un relato contado.

Premer na imaxe para acceder á galería de fotos

Seguimos ampliando recursos e formación en programación e intelixencia artificial para mellorar o ser e o saber... facendo!

 

Biblio creativa con... Anxo Fariña!

 

Premer na imaxe para acceder á galería de fotos, que inclúe vídeo

No día de hoxe, visitounos Anxo Fariña para desenvolver a formación de biblioteca creativa:

• "Divermonstros" foi o obradoiro dirixido ao alumnado de 6º de educación infantil, 1º, 2º e 3º de primaria. Pasárono... de medo!

• "Cidade Violeta" foi o obradoiro dirixido ao alumnado de 4º e 5º de educación primaria. Creando e concienciando.

• "Ilustración" foi o obradoiro dirixido ao alumnado de 6º de educación primaria. Técnicas e pequenos trucos para ser grandes ilustradores/as.

Agradecemos a Anxo o seu bo facer e o lote de libros que nos deixou a modo de agasallo para ampliar os nosos fondos; así como as súas ilustracións e dedicatorias.

Todo un éxito contar con profesionais tan expertos coma Anxo Fariña. Moita aprendizaxe creativa e divertida, repetiremos!

Recreos na biblio e no LeoLab!

 Este mes de novembro comezamos con novidades no Leo-Lab! 

No recreo, ao acudir a este espazo, as nenas e nenos poderán solicitar realizar un "Reto Leo-Lab" á mestra responsable. Cada 6 retos conseguidos, recibirán un agasallo elaborado coa impresora 3D do cole. 

Deste xeito, as cativas/os irán descubrindo novas posibilidades de xogo cos materiais dispoñibles.

Así, ao chegar na hora do recreo, o alumnado terá a posibilidade de decidir se quere facer un reto ou ben xogar libremente.

Clica na imaxe para acceder á galería de imaxes deste curso!

Laboratorio Documental (3º a 6º de primaria): biblio-retos!

Presentación audiovisual do Lab. Documental 3º a 6ºEP_2024-25 de Fátima Romero Olveira

Un curso máis, iniciamos os laboratorios de aprendizaxe que nos son propios.

O Laboratorio Documental para o alumnado de 3º a 6º de primaria seguirá a desenvolver a formación de usuari@s, sendo competentes no uso da biblioteca e os seus recursos.

A liña do noso PDI e a temática elexida pola Asesoría BEGA, "Biblioteca escolar, a escena!", son eixes centrais dos biblio-retos que, mediante a presentación audiovisual, nos ocuparán ao longo do curso: 

• Biblio-reto 1: caderno-informe para saber máis sobre o "teatro de papel" ou kamishibai.

• Biblio-reto 2: produción propia para ler e ordenar.

• Biblio-reto 3: guión gráfico para comezar a crear.

A páxina "Recursos dixitais" do blog da biblio (apartado Kamishibai, ao final da páxina) tamén será de utilidade para coñecer diferentes programas de creación de historias, entre eles o uso da IA (Intelixencia Artificial) e desenvolver pensamento crítico sobre a mesma.

O produto final do laboratorio será reproducir a produción propia, creada no curso 2022-23 por todo o alumnado, en formato kamishibai.

O grupo 1 iniciou o laboratorio superando todos os biblio-retos para crear as dúas primeiras láminas do kamishibai.

Premer na imaxe para acceder á galería de fotos, que se irá

incrementando segundo os grupos vaian desenvolvendo o Lab. Documental

Volveremos publicar, en maio, o resultado final de todas as creacións ideadas polos 6 grupos de alumn@s no Laboratorio Documental. 

Ata entón, felices lecturas... en mil e un formatos!

IV Feira LeoLab

 

Premer na imaxe para acceder á galería de fotos

No día de hoxe celebramos a IV Feira LeoLab realizando diversidade de actividades, grazas aos privilexiados espazos e recursos creativos cos que contamos.

Actividades que se realizaron por grupos internivel ata completar o Pasaporte LeoLab, unha xornada desenvolvendo robótica, makey-makey, scratch, pensamento computacional, oralidade, creatividade, producións sonoras...

Achegamos, en formato vídeo, unha escolma das producións propias creadas con moita imaxinación e recursos lúdicos e dixitais na actividade realizada na biblio: "Contamos?"

O vindeiro curso máis actividades creativas para tod@s.

Lab. Documental: grupo 2 (2º e 3º ciclo EP)

Premer na imaxe para acceder á galería de fotos

Finalizamos o 3º trimestre, e os laboratorios por este curso, implementando o Lab. Documental co alumnado de 2º e 3º ciclo de EP. 

O grupo 2 composto por: Rita, Gabi, Aroa, Juan, Valentina, Andrea, Carlos, Celia, Alejandro, Ainhoa e Mara P.; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de maio... o humor!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Faime rir.. e CDU. Nubes que nos permiten traballar o autocoñecemento: pensar, opinar e valorar o humor, como emoción necesaria, e as nosas preferencias lectoras.

A seguinte imaxe reflicte a nube de palabras relacionada co PDI: Faime rir... cóxegas, amigos, bromas, o importante é ter bo humor e... sentido do humor!

Un laboratorio do máis... emocionante!

O vindeiro curso, máis aprendizaxes en acción.

Premiad@s: VI Concurso de Podcasts-Radio na biblio

Estamos en hora boa, o podcast de 6º de educación infantil resultou premiado no VI Concurso de Podcasts-Radio na biblio cunha produción propia a modo de concurso que percorre a biografía de Luísa Villalta e co acompañamento do acordeón de Suso Moreira.

O podcast será difundido na páxina web da Radio Galega e na plataforma dixital A Galega Audio e a asignación do premio (1.250 €) será destinada, tal e como recolle a convocatoria do concurso, a melloras no laboratorio de radio ou actividades relacionadas co seu funcionamento, sempre vinculado á biblioteca do centro. Escoitade con atención se a Luísa Villalta queredes coñecer e ata podedes probar, a ver se sodes quen de respostar:

Acceso a memoria do proxecto 👉 MEMORIA ¨Xogando cos violinos¨ 

A aula de 4º de primaria tamén presentou ao concurso o seu podcast "Luísa Villalta, nós tamén somos activistas", que a modo de entrevista fantástica destaca a figura de Luísa Villalta, a súa implicación social e gran activismo; o mesmo que demostra o grupo de 4º desenvolvendo diversas tarefas e proxectos relacionados co coidado do medio, a reciclaxe... mellor escoitalos, porque teñen moito que contar:

PARABÉNS A TOD@S! Producións propias que xa forman parte dos programas de Radio Balea, a Radio na Biblio do CEIP Milladoiro de Malpica de Bergantiños.

Ligazóns prensa:

Xunta.gal

La Voz de Galicia

Diario de Bergantiños

Lab. Documental: grupo 3 (2º e 3º ciclo EP)

Premer na imaxe para acceder á galería de fotos

Iniciamos o 3º trimestre implementando o Lab. Documental co alumnado de 2º e 3º ciclo de EP. 

O grupo 3 composto por: Xulia, Noel, Martín V., Antía, Benito, Noela, Salvador, Bruno, David, Mara R. e Noa; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de abril... a alegría!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Alegría por.. e CDU. Nubes que nos permiten traballar o autocoñecemento: pensar, opinar e valorar a alegría, como emoción básica, e as nosas preferencias lectoras.

A seguinte imaxe reflicte a nube de palabras relacionada co PDI: Alegría por... familia, fútbol, amigos, as palabras máis repetidas.

Ao finalizar a última sesión tivemos tempo de xogar coa nosa produción propia, "E ti, de quen vés sendo?", creada por tod@s a partir do PDI "NÓS: patrimonio in-MATERIAL!"

Un laboratorio do máis... emocionante!

Formación Biblio Creativa: E-textiles

O alumnado de 6º de primaria desenvolveu a formación de Biblio Creativa da man de Cati e Flor de Maker Store (Carballo).

Os e-textiles foron o contido protagonista: tecidos que inclúen compoñentes electrónicos como baterías, LEDs, sensores...

Nen@s desenvolvendo as súas habilidades creativas, artísticas e pensamento computacional, habilidades do século XXI.

Premer na imaxe para acceder á galería de fotos

Unha vez máis, Cati e Flor primaron o proceso sobre o produto final, un proceso altamente creativo e de autocoñecemento.

Un fin de trimestre entre fíos condutivos, LEDs e... creatividade!

Formación Biblio Creativa: programando!

Pechamos o 2º trimestre coa formación de Biblioteca Creativa impartida, por Cati e Flor de Maker Store (Carballo), ao alumnado de 1º ciclo de primaria.

Premer na imaxe para acceder á galería de fotos

Unha xornada na que desenvolveron a programación por bloques mediante a ferramenta Scratch Junior, a cal se pode acceder premendo no seguinte enlace:

SCRATCH JUNIOR

Ao tempo, achegamos enlace ao recurso recollido na nosa páxina "Recursos dixitais" para saber máis:

• Scratch Jr: aprendiendo a programar y programando para aprender

Agradecemos a Cati e Flor o seu bo facer, nen@s disfrutaron da sesión aprendendo a programar, ademais de aprender a organizar o seu pensamento, a resolver problemas, a ser creativ@s...

Continuará...

Lab. Documental: grupo 4 (2º e 3º ciclo EP)

Premer na imaxe para acceder á galería de fotos

Pechamos o 2º trimestre implementando o Lab. Documental co alumnado de 2º e 3º ciclo de EP. 

O grupo 4 composto por: Amanda, Martín C., Miia, Leo, Noa, Fran, Lola, Marco G., Lucas, Leticia e Lara; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de febreiro... a amizade!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Amizade é.. e CDU. Nubes que nos permiten traballar o autocoñecemento: pensar, opinar e valorar a amizade, como sentimento positivo, e as nosas preferencias lectoras.

A seguinte imaxe reflicte a nube de palabras relacionada co PDI: Amizade é... cariño e compañía, as palabras máis repetidas.

Un laboratorio do máis... emocionante!

Lab. Documental: grupo 5 (2º e 3º ciclo EP)

 

Premer na imaxe para acceder á galería de fotos

Iniciamos o ano 2024 dando continuidade ao Lab. Documental co alumnado de 2º e 3º ciclo de EP. 

O grupo 5 composto por: Janis, Nicolás, Martín M., Candela, Santiago, Damián, Uxía M., Marco U., Mónica, Martín e África; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de xaneiro... a tristeza!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Tristeza por... e CDU. Nubes que nos permiten traballar o autocoñecemento: pensar, opinar e valorar a tristeza, como emoción básica, e as nosas preferencias lectoras.

A seguinte imaxe reflicte a nube de palabras relacionada co PDI: Tristeza por... morte e guerras, as palabras máis repetidas.

Un laboratorio do máis... emocionante!

Lab. Documental: grupo 6 (2º e 3º ciclo EP)

Premer na imaxe para acceder á galería de fotos

Ao longo do mes de novembro demos continuidade ao Lab. Documental co alumnado de 2º e 3º ciclo de EP. 

O grupo 6 composto por: Alba R., Izan S., Anna, Breixo, Clara, Uxía P., Ainoa, Leo, Daniel, Alex e Izan; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de novembro... o enfado!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Enfado por... e CDU. Nubes que nos permiten traballar o autocoñecemento: pensar, opinar e valorar o enfado, como emoción básica, e as nosas preferencias lectoras.

A seguinte imaxe reflicte a nube de palabras relacionada co PDI: Enfado por... burlas e comparacións, as palabras máis repetidas.

Un laboratorio do máis... emocionante!

Lab. Documental: grupo 1 (2º e 3º ciclo EP)

Premer na imaxe para acceder á galería de fotos

A finais do mes de setembro iniciamos o Lab. Documental co alumnado de 2º e 3º ciclo de EP. 

O grupo 1 composto por: Izan C., Martina C., Adrián T., Dania, Saúl, Mara, Siro, Pablo, Valeria, Gonzalo e Natalia; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de outubro... o medo!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Medo a... e CDU. Nubes que nos permiten traballar o autocoñecemento: pensar, opinar e valorar os nosos medos e as nosas preferencias lectoras.

A seguinte imaxe reflicte a nube de palabras relacionada co PDI: Medo a... escuridade e arañas, as palabras máis repetidas.

Un laboratorio do máis... emocionante!

Un curso de... laboratorios de aprendizaxe!

Presentamos o resumo audiovisual dun curso no que os laboratorios de aprendizaxe retomaron a súa esencia: grupos interniveis desenvolvendo aprendizaxes... para a vida!

Continuará...

Laboratorio de Son 2º e 3º ciclo primaria: podcasts

A continuación se expoñen os podcasts realizados no laboratorio de Son no presente curso 2022-2023. En total foron 6 podcasts nos que a temática xirou arredor do PDI Nós Patrimonio in-material:

Os podcasts resultantes foron os seguintes:

Que me contas?_Pequena mitoloxía Galega :  A partir do libro ¨Pequena mitoloxía de Galicia ¨Miranda, Reigosa, Cuba. Ed. Xerais, os nenos e nenas elaboraros un guión no que deron un repaso por todas esas criaturas e seres lendarios e mitolóxicos que habitan o noso país.

Festexamos_ O Samaín : Nesta ocasión, o alumnado elaborou unha recollida de información que logo convertiron en guión para expoñer a historia, as costumes e as curiosidades que encerra o Samaín.

Qué me contas?_Camiño dos Faros : Partindo do libro que temos na nosa biblioteca ¨Camiño dos Faros¨ Lendas da Costa da Morte, Rafael Lema Ed. EDITATUM os membros deste equipo locutaron as distintas etapas que conforman o Camiño dos Faros, relacionando cada etapa e cada lugar polo que pasa cas lendas e mitoloxía que albergan.

Festexamos_ Día de Rosalía : Polo día de Rosalía de Castro, levamos a cabo un repaso pola súa biografía a través dun concurso. Primeiro elaboramos as preguntas do cuncurso e posteriormente tratamos a súa biografía dando así resposta as cuestións prantexadas.

Millainforma_ Pecios e naufraxios :Como o PDI xira en torno ao patromonio, non podíamos deixar sen mencionar os pecios e naufraxios, auténtico patrominio material e inmaterial das nosas costas, cun alto valor histórico e cultural. Damos un repaso polos máis coñecidos.

Millainforma_ Resumo Nós Patromonio in-material : Por último, e para rematar este PDI iniciado o ano pasado, fixemos un repaso polas actividades e tarefas realizadas durante o presente curso. Unha maneira de reflexionar e recordar todo o traballo que levamos a cabo e que nos permitiu coñecer mellor a nosa terra, o noso país e as nosas ráices a través do noso patromonio in e material.

III Feira LeoLab

No día de onte, celebramos a III Feira LeoLab retomando a ensencia dos seus inicios: todo o alumnado do cole dividido en grupos interniveis realizaron, nos diferentes espazos do centro, actividades STEAM (ciencia, tecnoloxía, enxeñaría, arte e matemáticas) relacionadas coa temática do noso PDI, Galicia.

Podedes ver todas as imaxes premendo no seguinte enlace: FEIRA LEOLAB.

Estas foron as actividades que realizaron:

Intelixencia Artificial (IA): a nosa serea lectora, Leo, deixou unha caixa para ordear e ilustrar o noso conto de produción propia "O maior tesouro"  usando unha aplicación de IA e pechar a actividade reflexionando sobre o uso da mesma, partindo das preguntas que nos deixou Leo.

Lectura de códigos QR: realizar o camiño de Santiago mediante a lectura de códigos QR para atopar a dirección correcta que nos indica como chegar á catedral.

Aturuxo por pistas: esta actividade consitiu en grabar cada grupo a súa propia canción usando un Looper que lles permitía grabar moitos instrumentos de maneira secuenciada e improvisar por enriba.

Animation maker: a partir dun debuxo feito por eles, sacábanlle unha foto e coa aplicación marcaban os puntos de articulación para darlles movemento.

Electrónica con plastilina conductiva: crearon un circuíto sobre unha plantilla de faros marítimos con plastilina conductiva que iluminaba a luz do faro cun led.

Chaveiros forneados: con papel retráctil, nenos e nenas facían un debuxo que se encollía no forno da aula de cociña e remataban en forma de chaveiro para levalo para a súa casa. 

Enxeñaría manipulativa: construcións con pauíños como aristas e plastilina como vértices.

Foguete espacial: cunha botella de refresco fixeron un foguete espacial e para que voara enchéronno de auga e aire a presión (Lei de Newton).

Ondas saltarinas: forrando un altofalante con plástico e botando arroz enriba, as ondas sonoras fan que os grans salten.

Investigando: búsqueda, selección, organización e comunicación da información en relación con animais de Galicia e usando a aplicación "ChatterPix Kids" para darlles vida.

Efecto dominó: o alumnado formou un efecto dominó seguindo a silueta de diferentes monumentos de Galicia.

Stopmotion: gravación dunha curta de animación coa técnica de stopmotion relatando o percorrido do Camiño de Santiago de Muxía e Fisterra.

SuperDoc: o alumnado tiña que elexir un itinerario por Galicia e programar ao robot para que realizara dito camiño cunha soa orde.

Tinta invisible: colorearon con tinta invisible os monumentos máis representativos de Galicia para logo situalos no mapa.

Xogando co magnetismo: os imáns foron protagonisas desta actividade na experimentaron co magnetismo.

Un dos experimentos que máis éxito tivo foi o foguete, polo que vos deixamos un pequeno vídeo: