Presentamos o resumo audiovisual dun curso no que os laboratorios de aprendizaxe retomaron a súa esencia: grupos interniveis desenvolvendo aprendizaxes... para a vida!
Continuará...
Amosando publicacións coa etiqueta pdi nós. Amosar todas as publicacións
Amosando publicacións coa etiqueta pdi nós. Amosar todas as publicacións
7.6.23
Laboratorio Documental: Grupo 2
Premer na imaxe para acceder á galería de fotos
Pechamos o 3º e último trimestre do curso coa implementación do Laboratorio Documental para o alumnado de 2º e 3º ciclo de E. Primaria.O grupo 2 composto por: Juan Luís, Antía, Uxía, Bruno, Mara, Ainhoa, Lucas, Noa, Nagore e Pablo; trataron a identidade dos libros: libros que nos achegan ás conmemoracións anuais, en maio... ao fin do noso Mes das Letras. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final foi completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 2 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
15.5.23
Laboratorio de Imaxe V: Infantil e 1º ciclo EP
Premer na imaxe para acceder á galería de fotos
Este curso voltamos recuperar a gran riqueza dos grupos interniveis e enlazamos todos os laboratorios de aprendizaxe co Proxecto Documental Integrado (PDI) que nos ocupa. Este curso retomamos o Laboratorio de Imaxe para o alumnado de infantil 1º ciclo de E. Primaria.
O grupo composto por: Mateo V., Yaiza, Saúl, Lucas, Sara, Alberto, Olivia, Selena, Anxo, Alba, Martín V. e Izan S. achegáronse á placa Makey Makey. O primeiro mércores descubriron algúns materiais conductores de enerxía, filamento de cobre e papel de aluminio, manipularon a placa makey makey e o seu cableado e se divertiron xogando con recursos interactivos programados previamente en Scracht.
No segundo mércores, recordamos como funcionaba o circuíto electrónico da placa Makey Makey, o importante de tocar o cable de Terra para que se pechara o circuíto e funcionara... Despois de forma individual decoraron unha pandeireta con cartón, pegáronlle papel de aluminio e en pequeno grupo, utilizando un kit Makey Makey e un portátil, realizaron as conexións necesarias para poder tocar e facer soar a pandeireta programada en Scracht.
E nesta última quenda rematamos os laboratorios programados neste curso para o alumnado de infantil e 1º ciclo. Pasámolo en grande e levamos unha experiencia moi positiva grazas ó traballo en equipo e internivel!!
12.5.23
Lab. de Ideas: E.I. e 1º ciclo EP
Premer na imaxe para acceder á galería de fotos
O Laboratorio de Ideas para E. Infantil e 1º ciclo de E. Primaria desenvolveuse ao redor da nosa paisaxe.
Xogamos co mural imantado identificando elementos da paisaxe: naturais e artificiais.
Ideamos, creamos as nosas propias paisaxes, galegas, con materiais de refugallo aplicando as 3R: reducir, reciclar e reutilizar.
2.5.23
Laboratorio de Ideas de 3º a 6º EP: "Somos oleiros/as"
Neste laboratorio acercámonos ao mundo oleiro mediante o deseño, creación e decorado de pezas de arxela por parte do alumnado.
Na primeira sesión investigamos sobre o traballo dos/as oleiros/as, en que consiste, onde se desenvolve ou as técnicas de modelado de arxela manuais máis habituais. Ademais, debuxamos o deseño do que serán as nosas pezas.
Na segunda xornada manchamos as mans para que, cadaquén, modele as súas pezas de arxela, mentres que na terceira pintamos con témpera as nosas obras.
Unha vez rematamos o traballo, as obras son expostas no corredor do 2º andar do centro.
Preme na imaxe para acceder ás imaxes!
29.4.23
Laboratorio Documental: Grupo 3
Premer na imaxe para acceder á galería de fotos
Iniciamos o 3º e último trimestre do curso coa implementación do Laboratorio Documental para o alumnado de 2º e 3º ciclo de E. Primaria.
O grupo 3 composto por: Leo, Noa, Noela, Damián, Fran, Martín, Alejandro, Mara R., Marián, Antón, Alba e Carlota; trataron a identidade dos libros: libros que nos achegan ás conmemoracións anuais, en abril... ao comezo do noso Mes das Letras. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final foi completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 3 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
24.4.23
Laboratorio de Imaxe: 2º e 3º ciclo de Primaria
CREAMOS CIRCUÍTOS ELÉCTRICOS
Premer na imaxe para acceder á galería de imaxe
Neste laboratorio aprendemos a crear circuítos eléctricos, pero dun xeito sostible, pensando no medio.
Creamos maquetas de lugares, monumentos, iconas... de Galiza, seguindo o noso PDI NÓS, e para este gran labor, só usamos material reciclado que atopamos polo cole.
Comprendemos mediante estas maquetas, como a enerxía viaxa polos cables saíndo desde unha pila ata chegar a unha luz ou un motor, dándolle vida a nosa maqueta.
Un laboratorio chispeante!
31.3.23
Laboratorio Experimental de 3º, 4º, 5º e 6º de E.P.
Neste laboratorio experimental para 3º, 4º, 5º e 6º de Educación Primaria estamos a comprobar os fenómenos da combustión e da oxidación a través da práctica experimental.
Por unha banda, para a combustión, facemos unha mestura con vinagre e bicarbonato, a cal xera dióxido de carbono dentro dunha botella de plástico, eliminando a presenza de osíxeno. O alumnado, tras facer a mestura, prende un pao de madeira e introdúceo no interior da botella. Desta forma, observan que o lume do pao apágase sen entrar en contacto con ningún tipo de líquido, debido a que, ao xerar dióxido de carbono e ao eliminar a presenza de osíxeno, o lume non pode aguantar porque non hai osíxeno e require del para manter a combustión.
Por outra banda, para a oxidación, empregaremos dous matraces. Nun matraz, introduciremos auga fría e, no outro, introduciremos unha mestura de auga fervendo con aceite de xirasol. A continuación, introdúcense 10 cravos en cada un dos matraces para comprobar en qué matraz se oxidan antes. Dunha semana a outra, observamos os resultados apreciando que os cravos do matraz coa mestura de auga fervendo e aceite están máis oxidados. Deste xeito, podemos apreciar como afecta o sal á oxidación (aparte da humidade) e vemos os efectos do propio fenómeno da oxidación.
A continuación adxuntamos unhas imaxes dos experimentos realizados:
.jpeg)
.jpeg)
.jpeg)
.jpeg)
.jpeg)
.jpeg)
9.3.23
Laboratorio Documental: Grupo 4
Premer na imaxe para acceder á galería de fotos
Pechamos o 2º trimestre coa implementación do Laboratorio Documental para o alumnado de 2º e 3º ciclo de E. Primaria.
O grupo 4 composto por: Breixo, Candela, Carlos, Leo, Celia, David, Valeria, Alex, Leticia, Marta e Adrián; trataron a identidade dos libros: libros que nos achegan ás conmemoracións anuais, en marzo... ao Día da Muller. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final foi completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 4 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
27.1.23
Laboratorio Documental: Grupo 5
Premer na imaxe para acceder á galería de fotos
Iniciamos o ano 2023 co implementación do Laboratorio Documental para o alumnado de 2º e 3º ciclo de E. Primaria.
O grupo 5 composto por: Anna, Saúl, Lola, Siro, Marco G., África, Mara P., Izan, Antía e Alonso; trataron a identidade dos libros: libros que nos achegan ás conmemoracións anuais, en xaneiro... ao Día da Paz e a Non violencia. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final foi completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do noso PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 5 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
28.11.22
Premiad@s: VIII Concurso de Traballo por Proxectos
Premer na imaxe para acceder á galería de fotos
Estamos en hora boa! A aula de 4º de E. Primaria, do curso 2021/22, resultou premiada no VIII Concurso de Traballo por Proxectos.
Na modalidade de Investigación e Tratamento da Información presentaron a Tarefa Integrada desenvolta no último trimestre no Laboratorio Documental: Malpica, a nosa vila, enmarcada dentro do noso Mes das Letras 2022
Na memoria presentada recollen, ademais, os restantes laboratorios de aprendizaxe implementados ao longo do curso 2021/22 en relación co PDI NÓS: patrimonio in-MATERIAL!
Un curso que estivo marcado pola pandemia, con protocolos sanitarios que afectaron á natural socialización escolar; mais puideron seguir divertíndose aprendendo e sendo artífices das súas propias aprendizaxes mediante Tarefas Integradas que abarcaron diversas áreas, entre elas a área de Aprender a Investigar. Área esta que non lles era allea, dado que dende E. Infantil e 1º ciclo de E. Primaria aprenden por descubrimento: sendo, facendo, sabendo e convivindo; e sempre ao abeiro da Biblioteca Escolar-LeoLab: espazos creativos e recursos bibliográficos, dixitais, tecnolóxicos, audiovisuais... para tod@s.
No día de hoxe realizamos a entrega dos diplomas correspondentes e de dous agasallos lúdicos para compartir na aula. Un premio ao traballo feito... con corazón!
Parabéns a tod@s, unha dotación económica para tod@s: educación de calidade no rural.
23.11.22
Laboratorio Documental: Grupo 6
Premer na imaxe para acceder á galería de fotos
Ao longo do mes de novembro implementamos o Laboratorio Documental para o alumnado de 2º e 3º ciclo de E. Primaria.
O grupo 6 composto por: Santiago, Benito, Valentina, Ainoa, Uxía P., Daniel, Lara, Babel, Alejo e Mª Dolores; trataron a identidade dos libros: libros que nos achegan ás conmemoracións anuais, en novembro... á Ciencia en Galego nas Bibliotecas. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final é completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do noso PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 6 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
20.10.22
Laboratorio Documental - Grupo 1
Premer na imaxe para acceder á galería de fotos
A finais de setembro iniciamos o Laboratorio Documental para o alumnado de 2º e 3º ciclo de E. Primaria. Voltamos recuperar a gran riqueza dos grupos interniveis e enlazamos todos os laboratorios de aprendizaxe co Proxecto Documental Integrado (PDI) que nos ocupa.
O grupo 1 composto por: Petro, Dania, Clara, Andrea, Marco, Gonzalo, Natalia, Mónica, Daniella e Abraham; refrescaron contidos dados en anteriores cursos como a identidade dos libros: libros que nos achegan ás conmemoracións anuais, en outubro... ao Samaín. Asemade, tratamos a Formación de Usuari@s da nosa Biblio-LeoLab, en formato impreso e dixital.
O obxectivo final é completar, con preguntas e respostas arredor de Galicia, o noso xogo de produción propia, E ti, de quen vés sendo?, iniciado o pasado curso a raíz do noso PDI NÓS: patrimonio in-MATERIAL!
As preguntas e respostas, despois da recuperación de exemplares e tratamento da información, son recollidas na aplicación educativa Kahoot para achegarnos a un recurso dixital de gamificación.
Felicitar ao grupo 1 pola súa gran motivación e esforzo en cada sesión. Como agasallo final e peche do laboratorio levaron un marcapáxinas coa nosa CDU e código QR que enlaza á formación de usuari@s en liña, para ter sempre a man.
.JPG "Marcapáxinas agasallo fin Lab. Documental")
5.6.22
Lab. de Ideas: XOGOS 3R
Premer na imaxe para acceder á galería de fotos
Hoxe, Día do Medio Ambiente, presentamos os produtos finais do último laboratorio de aprendizaxe do curso, o Laboratorio de Ideas, recollido na proposta de actividades trimestrais.
O xogo e o texto instructivo presidiron o laboratorio e grazas a gran creatividade de tod@s xurdiron xogos 3R diversos, tales como:
- Emboque de 4º de Infantil: botellas de plástico con adhesivos moi coloridos.
- Dominó de 5º de Infantil: pedras reutilizadas con deseño propio.
- O pano de 6º de Infantil e 1º de Primaria: retallos de tea variados e... cosidos!
- Choiva de tapóns de 2º de Primaria: paus e tapóns de plástico a cachón.
- Tira-bólas de 3º de Primaria: cartón e botellas de plástico para unha rampa personalizada.
- Raiola de 4º de Primaria: caixas, páxinas de libros deteriorados/expurgados e tapóns de plástico para mesturar dous xogos tradicionais (RA e marIOLA)
- Tres en raia de 5º de Primaria: cartón e cápsulas de café para deseñar taboleiro e fichas propias.
- Teléfono escacharrado de 6ºA de Primaria: envases de iogur, xornais e fío para comunicarnos.
- Os birlos, cor a esgalla, de 6ºB de Primaria: area, xornais e botellas de plástico con temática diversa.
Parabéns a tod@s! Coidando o Medio Ambiente, aplicando as 3R: reducir, reutilizar e reciclar.
Xogos aos que daremos bo uso nestas últimas semanas de curso e... o vindeiro!
26.5.22
MAKEY MAKEY ( 5º EI)
Durante o mes das letras tivemos un achegamento ós instrumentos musicais tradicionais: gaita, castañolas, pandeireta...
Así que esta semana decidimos tocar o bombo pero utilizando o Makey Makey. Para iso, no Leolab, fixemos varios grupos, e cada un deles tiña que decorar uns círculos de cartón que foron os nosos " Bombos", despois pegarlle a cada un deles un pouco de papel de aluminio, conectar os cables da placa Makey Makey ó " Bombo" na parte de aluminio, e por último tocar o instrumento, non sen antes agarrar coa outra man o cable de TERRA.
Cada grupo xogou a tocar, e descubrimos que se un peque tocaba o cable TERRA para que soara o seu instrumento e outra persoa tocaba a este peque, ambos podían tocar!!!
Premer na imaxe para acceder á galería
13.5.22
Premiad@s: IV Concurso Podcasts-Radio na Biblio
IV Concurso de Podcasts - Radio na Biblio
Un marabilloso produto final de produción propia, en formato regueifa, arredor da biografía de Florencio Delgado Gurriarán, autor homenaxeado polo Día das Letras Galegas 2022.
A nosa participación na modalidade II (alumnado de 3º a 6º de Primaria) obtén como premio unha asignación extraordinaria de 1.000 € destinada, tal e como recolle a convocatoria do concurso, a melloras ou actividades relacionadas co funcionamento do laboratorio de radio, sempre vinculado á biblioteca do centro.
Premendo na imaxe accederedes a memoria e escaleta remitida ao concurso e na cal se recollen @s participantes que deron vida e personalidade malpicá a produción escrita "Unha regueifa a Don Florencio", que foi posible grazas a implicación e colaboración de Charo (nai dun alumno do centro e membro da ANPA) e do profesorado do Equipo de Radio na Biblio.
Un premio ao traballo feito EN COMUNIDADE E CON IDENTIDADE!
A desfrutar do podcast premiado, xa publicado no portal da Radio Galega, e...
Parabéns, unha vez máis, a TOD@S!
8.4.22
Lab. de Son: oficio e tradición... en feminino!
Presentamos os produtos finais do Laboratorio de Son implementado ao longo do mes de marzo en relación co Día da Muller 2022 e a proposta de actividades do noso PDI.
A proposta incluía dous produtos finais, entrevista escrita e podcast realizado en Radio Balea, valorando os oficios tradicionais desenvoltos por Mulleres da nosa contorna.
Premendo nos enlaces da seguinte listaxe accederedes aos produtos finais de cada aula:
Felicitar, unha vez máis, a alumnado e titores/as polo gran traballo desenvolto: investigando, coñecendo, valorando, comunicando; así coma ás protagonistas das diferentes entrevistas que, de maneira totalmente altruista, nos regalaron o seu tempo para compartir experiencias e valores de vida.
Seguimos educando en igualdade e valorando ÁS NOSAS MULLERES!
11.3.22
Formación con Julia de la Cal: estrutura de vimbio
Un curso máis, a Asesoría de Bibliotecas Escolares, concedeunos aos centros do Plan LIA.2 unha formación dentro do programa Biblioteca Creativa, este ano dirixida ao alumnado, ás familias e en xeral a toda a comunidade educativa.
Dentro das moitas actividades ofertadas, moi interesantes e funcionais, decidímonos pola realización de obradoiros para a creación dunha estrutura de vimbio con Julia de Cal; xa que dentro do PDI NÓS: patrimonio in-MATERIAL!, neste trimestre traballamos os oficios tradicionais de Malpica e Costa da Morte, e en marzo dirixido ao traballo realizado por Mulleres.
Foi unha actividade moi enriquecedora, de forma que ao remate das xornadas conseguimos, co traballo en equipo, un espazo de vimbio para o tempo de lecer, de lectura, de tranquilidade e de xogo, un produto realizado entre tod@s e para tod@s, como comunidade educativa que somos.
Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo.
Agradecer á Asesoría esta oportunidade de aprendizaxe, a Julia de la Cal por achegarnos un oficio tradicional tan bonito e pola súa implicación; así como a todas as familias que puideron vir ao cole para colaborar con nós, INFINITAS GRAZAS!!!!
22.11.21
Laboratorio Experimental: un gran laboratorio!
A nosa lingua en todas as ciencias, en todos os medios,
en todos os camiños que levan á luz do coñecemento.
en todos os camiños que levan á luz do coñecemento.
O colexio tranformase nun gran laboratorio: exposicións da Biblioteca e das aulas para experimentar, para divertirse aprendendo, para ilusionarse coa ciencia na nosa lingua.
Premendo nos seguintes enlaces, que se irán activando segundo as aulas vaian publicando nos blogs de ciclo, accederedes ás fantásticas exposicións experimentais para tod@s:
- 5º E. Infantil. Minigloboches
- 6º E. Infantil, 1º e 2º de E. Primaria. Os 5 sentidos
- 3º E. Primaria. O tacto
- 4º E. Primaria. Transformando!
- 5º E. Primaria. Densidade
- 6º E. Primaria. O son
- Biblioteca. Visión 3D
Parabéns a tod@s, unha vez máis, polas fantásticas experiencias vividas e compartidas!
27.10.21
Lab. Documental: XII Semana das Lecturas Terroríficas
Presentamos os produtos finais do Laboratorio Documental, que implementamos ao longo deste mes de outubro, arredor das nosas tradicións orais: cantigas, refráns, lendas... e recollido na proposta de actividades do 1º trimestre.
Este curso, ao igual que o pasado, non temos a posibilidade de celebrar a Semana de Lecturas Terroríficas na nosa Biblioteca; mais non perde a súa esencia e seguimos a conmemorar un Samaín lector en diferentes formatos e soportes.
Premendo nos seguintes enlaces podedes desfrutar das producións de cada nivel:
- 5º E. Infantil: tradición oral malpicana
- 6º E. Infantil e 1º E. Primaria: lendas
- 2º E. Primaria: cantigas
- 3º E. Primaria: lendas
- 4º E. Primaria: lendas
- 5º E. Primaria: lendas
- 6ºA E. Primaria: lendas
- 6ºB E. Primaria: lendas
Parabéns a todas e todos polos fantásticos produtos finais!
Celebramos un Samaín... lendario!
Subscribirse a:
Publicacións (Atom)