Biblio creativa con... Anxo Fariña!

 

Premer na imaxe para acceder á galería de fotos, que inclúe vídeo

No día de hoxe, visitounos Anxo Fariña para desenvolver a formación de biblioteca creativa:

• "Divermonstros" foi o obradoiro dirixido ao alumnado de 6º de educación infantil, 1º, 2º e 3º de primaria. Pasárono... de medo!

• "Cidade Violeta" foi o obradoiro dirixido ao alumnado de 4º e 5º de educación primaria. Creando e concienciando.

• "Ilustración" foi o obradoiro dirixido ao alumnado de 6º de educación primaria. Técnicas e pequenos trucos para ser grandes ilustradores/as.

Agradecemos a Anxo o seu bo facer e o lote de libros que nos deixou a modo de agasallo para ampliar os nosos fondos; así como as súas ilustracións e dedicatorias.

Todo un éxito contar con profesionais tan expertos coma Anxo Fariña. Moita aprendizaxe creativa e divertida, repetiremos!

LABORATORIO DE SON (O CAMIÑO DOS FAROS) PDI MEDICUS CURAT NATURA SANAT

 Os integrantes do grupo número 2 dos Laboratorios de Aprendizaxe foron os encargados de estrear o primeiro podasct no estudo de Radio Balea. Este grupo número 2 estaba composto por Anxo de 3º de Primaria, Aroa, Izan Sande e Janis de 4º, Valentina de 5º e Mara, Damián e Pablo de 6º de Primaria.

    Continuando co traballo iniciado o curso pasado do PDI Medicus curat, natura sanat a temática estaba relacionado coa natureza ou o medio natural, e dende o laboratorio de Son creamos un podcast sobre o Camiño dos Faros no que se fala tamén dalgunhas lendas e peculiaridades dos lugares por onde pasa este camiño.

Esperamos que vos guste e o desfrutedes!!!

Acceso á galería de imaxes clicando na primeira de abaixo👇

Podcasts creado no Laboratorio de Son (2º e 3º Ciclo) coordinado pole mestre Óscar Pérez

**O podcast está baseado no libro Rafael Lema (2020). Camiño dos Faros (Leyendas da Costa ds Morte). Colección Guiaburros ocio y tiempo libre.

GUIÓN:

  

           

PEQUELABORATORIO DE SON I (A MELLOR SOPA DO MUNDO)

    O primeiro grupo dos laboratorios de aprendizaxe dos máis cativos do cole (5º e 6º de educación infantil e 1º e 2º de educación primaria) fomado por Paula, Álvaro, Mauro, Fabio, Mateo Ferreiro, Dayanna, Dani, Ángel, Alberto, Laia, Sabela, Manuela e Maira produciron o primeiro podcast deste curso 24-25 do pequelaboratorio.

O produto final foi a adaptación en audio con efectos sonoros do libro: Susana Isern & Mar Ferrero. A mellor sopa do mundo. OQO editora.

Unha bonita experiencia cun resultado moi moi bonito; escoitádeo porque merece moito a pena!!

Parabéns rapazada!!

                                           Accede á galería de imaxes clicando na seguinte👇

Podcast do Pequelaboratorio de Son coordinado pola mestra de Música Carmen Dor coa colaboración do mestre de Educación Física Óscar Pérez

Laboratorio Documental (3º a 6º de primaria): biblio-retos!

Presentación audiovisual do Lab. Documental 3º a 6ºEP_2024-25 de Fátima Romero Olveira

Un curso máis, iniciamos os laboratorios de aprendizaxe que nos son propios.

O Laboratorio Documental para o alumnado de 3º a 6º de primaria seguirá a desenvolver a formación de usuari@s, sendo competentes no uso da biblioteca e os seus recursos.

A liña do noso PDI e a temática elexida pola Asesoría BEGA, "Biblioteca escolar, a escena!", son eixes centrais dos biblio-retos que, mediante a presentación audiovisual, nos ocuparán ao longo do curso: 

• Biblio-reto 1: caderno-informe para saber máis sobre o "teatro de papel" ou kamishibai.

• Biblio-reto 2: produción propia para ler e ordenar.

• Biblio-reto 3: guión gráfico para comezar a crear.

A páxina "Recursos dixitais" do blog da biblio (apartado Kamishibai, ao final da páxina) tamén será de utilidade para coñecer diferentes programas de creación de historias, entre eles o uso da IA (Intelixencia Artificial) e desenvolver pensamento crítico sobre a mesma.

O produto final do laboratorio será reproducir a produción propia, creada no curso 2022-23 por todo o alumnado, en formato kamishibai.

O grupo 1 iniciou o laboratorio superando todos os biblio-retos para crear as dúas primeiras láminas do kamishibai.

Premer na imaxe para acceder á galería de fotos, que se irá

incrementando segundo os grupos vaian desenvolvendo o Lab. Documental

Volveremos publicar, en maio, o resultado final de todas as creacións ideadas polos 6 grupos de alumn@s no Laboratorio Documental. 

Ata entón, felices lecturas... en mil e un formatos!

IV Feira LeoLab

 

Premer na imaxe para acceder á galería de fotos

No día de hoxe celebramos a IV Feira LeoLab realizando diversidade de actividades, grazas aos privilexiados espazos e recursos creativos cos que contamos.

Actividades que se realizaron por grupos internivel ata completar o Pasaporte LeoLab, unha xornada desenvolvendo robótica, makey-makey, scratch, pensamento computacional, oralidade, creatividade, producións sonoras...

Achegamos, en formato vídeo, unha escolma das producións propias creadas con moita imaxinación e recursos lúdicos e dixitais na actividade realizada na biblio: "Contamos?"

O vindeiro curso máis actividades creativas para tod@s.

Laboratorio de imaxe. Programa COIDA A TÚA SAÚDE

Durante o presente curso escolar, no laboratorio de imaxe, tanto educación infantil como primaria estivemos a gravar na aula de CROMA. 

No laboratorio dos pequenos gravaron diferentes anuncios publicitarios para que todas e todos coidemos mellor a saúde. Non dubides en adquirir os seus produtos!

No laboratorio dos maiores, o alumnado guionizou e interpretou as súas propias situacións teatrais, obtivendo como resultado 6 capítulos onde axudaron a outros rapaces a adquirir hábitos saudables para que melloren a súa saúde.

Podes acceder á galería de fotos do laboratorio dos pequenos clicando aquí. Para acceder á galería dos maiores, clica aquí.

Desfrutade do vídeo!

Boas vacacións!!

Pequelaboratorio experimental. Creamos perfumes

 1-ELABORAMOS O NOSO PERFUME 

A programación deste laboratorio responde á necesidade de establecer unha serie de vínculos entre os modelos básicos das actividades científicas e a comprensión de determinados conceptos relacionados coa Natureza ( P.D.I. Medicus curat natura sanat). Este laboratorio posúe como obxetivo principal ou xeral a vivenciación a través do xogo,a exploración e a producción dos seus propios perfumes, destacando a organización previa de todo o proceso,a representación ,así como a seleccion individual de cada un dos ingredientes (compoñentes) de cada perfume. Como obxetivo final, cabe destacar a creación de actitudes indagatorias sobre a natureza e o mundo que nos rodea. 

2-SECUENCIACION 

A secuenciacion deste laboratorio dirixido a grupos de alumnado de 5ºE.I. a 2ºE.P. divídese en dúas sesións: 

1ª sesión: 

Nesta primeira sesión, partimos da presentación dun conto a través do cal, tras a súa lectura,
nos adentramos realidade cotidiana dos alumnos e a discriminación olfactiva que podemos apreciar en moitos momentos do día. A actividade suxerida a partir desta escoita atenta do conto e posterior comentado do mesmo, fai referencia á representación ,mediante debuxo, de como sería o seu perfume favorito(o envase,o nome,o xénero…). 

A actividade seguinte ten relacción coa selección de compoñentes do perfume propio(elementos naturais como froitas,pétalos de flores,plantas variadas…),sen olvidar a existencia de compoñentes básicos (auga destilada e alcohol) que aparecen sempre na creación dun perfume. Como última actividade desta sesión cabe destacar a creación do propio perfume e a asimilación da necesidade dun tempo de espera e repouso do perfume en creación para que en varios días poidan ser liberados os aceites esenciais dos compoñentes naturais que seleccionaron. 

2ªsesión:

 Nesta segunda sesión ,ou final,destacamos a importancia das técnicas de precisión manipulativa necesarias para o trasvase do perfume creado a frascos de sprai cos que poden levar o seu propio perfume para as súas casas como producto final do laboratorio. Nesta sesión tamén se inician na actividade de plantar sementes que darán lugar a novos compoñentes para posteriores laboratorios de creación de perfumes.

Para acceder ás imaxes da galería, clica na seguinte fotografía:

LABORATORIO EXPERIMENTAL 3º A 6º

Vai rematando o curso e con el os laboratorios.

Ao longo de todo o ano, diversos grupos pasaron polo laboratorio experimental, onde aprenderon a coidar o medio que nos rodea, a respectar o noso entorno e a que con pequenas iniciativas tamén podemos axudar a mellorar a nosa contorna.

Neste laboratorio, investigamos, creamos, experimentamos e plantamos. Todo isto sempre dende unha perspectiva dinámica na que o alumnado estaba sendo partícipe do que ía aprendendo.

A través das diferentes actividades o alumnado foise concienciando e aprendendo para así acadar o seu produto final, unha planta que deberían coidar todos os días para que non morrera. Tarefa que realizaron moi ben!

A secuencia de actividades foi a seguinte:

Na primeira sesión divídese ao alumnado en equipos e pídeselle que inventen un nome para o seu grupo. Unha vez feito isto, repárteselle unha folla na que se recolle toda a información que deben buscar sobre a temática tratada. Xa para rematar buscarán en Pixabay imaxes sobre a deforestación para engadirlle ao Lapbook que crearán na seguinte sesión.

Na segunda sesión levan a cabo a creación do lapbook con toda a información recollida na clase anterior. Para facelo, empregan cartolinas, rotuladores e diversos materiais funxibles.

Xa na derradeira sesión facemos un experimento que lles permita ver a importancia da vexetación no chan e baixaremos ao patio plantar diferentes tipos de vexetais como leitugas, tomates, perexil…

A continuación deixamos algunhas imaxes do noso traballo. Clica para acceder!

Esperamos que vos guste!

LABORATORIO CREATIVO 3º A 6º PRIMARIA 2023_2024

 FACEMOS UN AULA DE ARTE!

Invitámosvos a descubrir no seguinte enlace a creación da nosa nova aula de arte, realizada ao longo de curso polo laboratorio creativo de primaria. Disfrutádea!!

Podes acceder á galería de imaxes clicando aquí

Pequelaboratorio de ideas. Elaboramos a nosa horta

 No laboratorio creativo de infantil e primeiro ciclo empregamos a cricut como ferramenta principal para o desenvolvemento da proposta. Decidimos empregar este recurso pola súas múltiples posibilidades de creación, xa que nos permitiría elaborar os deseos de maneira rápida e precisa, sen necesidade de facelo como tradicionalmente estamos acostumados. 

Así, este laboratorio dividiuse en duas sesions:

- Unha primeira na que se lle presentou ao grupo a proposta de actividade que parte do proxecto sobre o que estamos a traballar no centro, neste caso, hábitos saudables. Fixemos Unha posta en común sobre qué sabíamos previamente sobre os hábitos saudables, sobretodo relacionados coa alimentación. Logo, procuramos en internet imaxes de verduras e hortalizas que o alumnado coñecia e consumía e logo pasamos a deseñar as nosas propias, plasmandoas en papel. A continuación, presentamos a cricut e explicamos o seu funcionamento, de maneira que tivemos que pasar os deseños elaborados polo alumnado ao programa cricut para así poder cortar o fieltro co que posteriormente daremos as nosas verduras e hortalizas ecolóxicas. 

- Na segunda sesión, procedemos ao corte do fieltro coa cricut das diferentes verduras e hortalizas para posteriormente coselas e darlle forma tridimensional con algodón, agulla e fio. No caso do alumnado mais pequeno empregamos Unha maquina de coser portátil de fácil uso para o mesmo. Finalmente, elaboramos o horto ecoloxico con Caixas de cartón recicladas e papel de periódico. 

Cabe destacar que a pesar de que a actividade se realizou con éxito, o uso da cricut non é o mais axeitado para alumnado tan pequeño, senon que estaría indicado para o segundo e tercero ciclo así como para o profesorado.

CookLab_ Laboratorio de ideas_3º a 6º EP

 As actividades do COOk-LAB estarán repartidas en tres sesións cunha duración aproximada de hora e media cada unha.

1ª SESIÓN: o alumnado de segundo e terceiro ciclo de Educación Primaria (3º-6º) estará dividido en grupos de (12alumnos/as) para acudir os diferentes laboratorios.

No COOK-LAB dividirase en tres grupos de catro alumnos; cada grupo estára composto por un alumno de cada curso de 3º ata 6º.

Nesta primeira sesión lévase a cabo unha pequeña explicación en inglés do que se vai facer neste laboratorio e das normas de seguridade a seguir.

Tamén se tomará nota dos alumnos que teñan algunha alerxia ou intolerancia a algún alimento co fin de evitar danos na saúde dos alumnos afectados.

Seguidamente preguntareille os alumnos sobre a súa dieta, se teñen unha alimentación saudable e a importancia dos hábitos saudables tanto na alimentación coma no exercicio físico para evitar a obesidade.

Mostrareille a pirámide alimenticia e comentaremos entre todos os tipos de alimentos e a súa influencia na nosa saúde.

Comentaremos tamén sobre as tarefas domésticas, quén as fai na súa casa, qué fai o alumno para axudar etc.

Por último cada grupo usará unha tablet para buscar unha receita de cociña ; unha vez elexida a receita por grupo escóllese a máis votada e escribese na libreta; despois elaboraremos unha lista de compra dos ingredientes necesarios para a receita en inglés e en español.

2º SESIÓN: nesta sesión lemos e traducimos oralmente primeiro e logo por escrito a receita escollida por eles e despois pasamos a súa elaboración directamente pois o tempo e moi xusto.

Cada alumno fai unha tarefa de maneira que todos participen na preparación dos ingredientes, no cociñado na degustación e por último na limpeza de todos os utensilios usados e tamén das instalacións

Mestres se cociña a receita os alumnos fan unha lista cos ingredientes usados co título FOOD VOCABULARY en inglés e español e outra lista cos utensilios usados para elaborar a receita co título KITCHENWARE; Tamén fan outra lista cos verbos das accións realizadas co título COOKING VERBS. Para traducir usarán as tablets.

Unha vez rematada a degustación os alumnos reparten unha pequeña cata o que lle resulta moi gratificante e motivador xa que ven reconocido o producto do seu traballo tanto polos profesores coma polos compañeiros.

Para documentar a actividade sacarei fotos dos alumnos elaborando as receitas e tamén do resultado final. Tanto coa tablet coma coa cámara.

3ª SESIÓN: nesta sesión preséntolle os alumnos unha receita inglesa ou americana Pegan a receita na súa libreta e pasamos a súa elaboración.

Primeiro leena e traducena oralmente e por escrito. Despois xa empezamos a preparación dos ingredientes, o cociñado, a degustación e finalmente a limpeza.

Mentras se leva a cabo o cociñado falamos das comidas de outros países e comparámolas coas nosas.

Volvemos a facer as listas de FOOD VOCABULARY cos ingredientes usados, KITCHENWARE utensilios de cociña empregados , COOKING VERBS acción realizadas na elaboración da receitas.

Por último facemos a degustación, repartimos una pequeña cata e limpamos o material e as instalación.

Cada vez que un grupo remata as tres sesións facemos unha valoración das tarefas realizadas no laboratorio de cociña, o que lle gustou máis o que lle gustou menos, o que cambiarían etc.

Accede á galería de imaxes premendo na fotografía:

LABORATORIO DE SON: GRUPO 4 (REPASAMOS O TRABALLADO NO LABORATORIO DE SON ESTE CURSO) ¨MILLAINFORMA HÁBITOS SAUDABLES ¨

 Este mércores 29 de maio, o grupo número 4 dos Laboratorios de Aprendizaxe visitou Radio Balea para gravar o derradeiro podcast do Laboratorio de Son.

Os membros foron Martín Cousillas, Miia e Amanda de 3º de Educación Primaria; Candela, Noa e Leo Cousillas de 4º de Educación Primaria, Marco García, Fran e Lola de 5º de Educación Primaria e coma técnicos de son exerceron Lucas, Leticia e Lara de 6º de Educación Primaria.

O produto final foi un podcast recopilatorio dos distintos grupos que pasaron polo Laboratorio de Son, que nos axuda así a repasar os distintos contidos dados; recordamos:

- MILLAINFORMA Hábitos saudables: A alimentación

- MILLAINFORMA II Hábitos saudables: A importancia da actividade física para a saúde

- CONCIÉNCIAte sobre o coidado do corpo e a hixiene persoal

- CONCIÉNCIAte sobre os Primeros Auxilios

- CONCIÉNCIAte sobre os hábitos tóxicos para a saúde

Acceso á galería de imaxes clicando na seguinte 👇

Este derradeiro podcast pecha o Laboratorio de Son 23-24, vémonos para o vindeiro curso con máis podcast, máis Radio Balea e moitas máis novidadeeessss!! Abuuurr!!

Lab. Documental: grupo 2 (2º e 3º ciclo EP)

Premer na imaxe para acceder á galería de fotos

Finalizamos o 3º trimestre, e os laboratorios por este curso, implementando o Lab. Documental co alumnado de 2º e 3º ciclo de EP. 

O grupo 2 composto por: Rita, Gabi, Aroa, Juan, Valentina, Andrea, Carlos, Celia, Alejandro, Ainhoa e Mara P.; desenvolveron a formación de usuari@s e o PDI que nos ocupa.

Os cadernos-informe, como recursos materiais, facilitaron a implementación do laboratorio: organización e catálogo da biblioteca, CDU, identidade dos libros, búsqueda e recuperación de exemplares; así como o tratamento de emocións/sentimentos en relación co PDI "Medicus curat natura sanat", no mes de maio... o humor!

Pechamos o laboratorio elaborando dúas nubes de palabras, mediante a aplicación Menti Meter, relacionadas con: Faime rir.. e CDU. Nubes que nos permiten traballar o autocoñecemento: pensar, opinar e valorar o humor, como emoción necesaria, e as nosas preferencias lectoras.

A seguinte imaxe reflicte a nube de palabras relacionada co PDI: Faime rir... cóxegas, amigos, bromas, o importante é ter bo humor e... sentido do humor!

Un laboratorio do máis... emocionante!

O vindeiro curso, máis aprendizaxes en acción.

Premiad@s: VI Concurso de Podcasts-Radio na biblio

Estamos en hora boa, o podcast de 6º de educación infantil resultou premiado no VI Concurso de Podcasts-Radio na biblio cunha produción propia a modo de concurso que percorre a biografía de Luísa Villalta e co acompañamento do acordeón de Suso Moreira.

O podcast será difundido na páxina web da Radio Galega e na plataforma dixital A Galega Audio e a asignación do premio (1.250 €) será destinada, tal e como recolle a convocatoria do concurso, a melloras no laboratorio de radio ou actividades relacionadas co seu funcionamento, sempre vinculado á biblioteca do centro. Escoitade con atención se a Luísa Villalta queredes coñecer e ata podedes probar, a ver se sodes quen de respostar:

Acceso a memoria do proxecto 👉 MEMORIA ¨Xogando cos violinos¨ 

A aula de 4º de primaria tamén presentou ao concurso o seu podcast "Luísa Villalta, nós tamén somos activistas", que a modo de entrevista fantástica destaca a figura de Luísa Villalta, a súa implicación social e gran activismo; o mesmo que demostra o grupo de 4º desenvolvendo diversas tarefas e proxectos relacionados co coidado do medio, a reciclaxe... mellor escoitalos, porque teñen moito que contar:

PARABÉNS A TOD@S! Producións propias que xa forman parte dos programas de Radio Balea, a Radio na Biblio do CEIP Milladoiro de Malpica de Bergantiños.

Ligazóns prensa:

Xunta.gal

La Voz de Galicia

Diario de Bergantiños

PEQUELABORATORIO DE SON: PODCAST 1 ( PDI MEDICUS CURAT NATURA SANAT) / PODCAST 2 (O DÍA DAS LETRAS GALEGAS E LUÍSA VILLALTA )

 O derradeiro grupo do pequelaboratorio de Son pasou por Radio Balea para gravar dous podcasts (Sobre o PDI Medicus curat, natura sanat) e sobre o Día das Letras Galegas, tratando a figura da escritora homenaxeada Luísa Villalta.

O resultado son dous podcast frescos e espontáneos onde os nenos e nenas falaron sobre temáticas diversas como os hábitos saudables, os plans na natureza, o Prestige, o NON A GUERRA, a resolución pacífica de conflictos e outros temas relacionados co activismo de Luísa Villalta.

Gran traballo rapazada!! escoitadeos con atención !!

Para acceder á galería de imaxes, clicar na seguinte:

👇👇👇👇👇